ຜູ້ຕາງໜ້າລັດຖະບານຈີນແລະບັງກະລາເດັດໄດ້ລົງນາມໃນຂອບສັນຍາລະຫວ່າງລັດຖະບານຢູ່ເມືອງດາກາປະເທດດັ່ງກ່າວໃນວັນທີ 29 ຕຸລານີ້ ເຊິ່ງສັນຍາລະບຸໄວ້ວ່າ, ຈີນຈະລະດົມທຶນສ້າງໂຄງການທໍ່ສົ່ງນ້ຳມັນຂອງບັງກະລາເດັດ ແລະ ສັນຍາສະບັບນີ້ຈະມີຄວາມໝາຍສຳຄັນຕໍ່ການຜັນຂະຫຍາຍການຮ່ວມມື "ໜຶ່ງແລວທາງໜຶ່ງເສັ້ນທາງ" ແລະ ການສ້າງແລວທາງເສດຖະກິດບັງກະລາເດັດ-ຈີນ-ອິນເດຍ-ມຽນມາ.
ສັນຍາລະບຸວ່າ, ໂຄງການດັ່ງກ່າວຈະສ້າງລະບົບຈ່າຍນ້ຳມັນເຂົ້າກຳປັ່ນ, ເຂດຈ່າຍນ້ຳມັນໃສ່ຖັງແລະຕູ້ ລວມທັງສິ່ງກໍ່ສ້າງອື່ນໆ ແລະວາງປູທໍ່ສົ່ງນ້ຳມັນທາງທະເລ ແລະ ທາງບົກທີ່ຍາວ 220 ກິໂລແມັດ. ໂຄງການດັ່ງກ່າວມີມູນຄ່າ 550 ລ້ານໂດລາ ໂດຍບໍລິສັດ CPP ຂອງຈີນຮັບເໝົາກໍ່ສ້າງ ແລະ ທະນາຄານຂາເຂົ້າຂາອອກຈີນສະໜອງເງິນກູ້ດອກເບ້ຍຕ່ຳໃຫ້ແກ່ໂຄງການດັ່ງກ່າວ.
ຂ່າວແຈ້ງວ່າ, ພາຍຫຼັງສ້າງສຳເລັດ, ບໍ່ພຽງແຕ່ຈະປະຢັດເວລາຈ່າຍນ້ຳມັນອອກຈາກກຳປັ່ນໄດ້ຢ່າງຫຼວງຫຼາຍເທົ່ານັ້ນ, ຍັງສາມາດຫຼີກເວັ້ນມົນລະພິດທີ່ເກີດຈາກນ້ຳມັນດິບຮົ່ວໄຫຼ ແລະ ຫຼຸດຕົ້ນທຶນ ລວມທັງຫຼຸດຄວາມເສຍຫາຍໃນການຂົນສົ່ງນ້ຳມັນດິບໃຫ້ໜ້ອຍລົງ.