ວັນທີ 29 ຕຸລານີ້, ເມືອງຈິ້ງອ່ານ ແຂວງຈ່ຽງຊີ່ ສປ ຈີນ ໄດ້ຈັດຕັ້ງຜູ້ມັກຂຽນງາມຫຼາຍຮ້ອຍຄົນຈາກວົງການຕ່າງໆຮ່ວມກັນຂຽນໂຕໜັງສືຈີນ "孝" ເຊິ່ງອອກສຽງວ່າ "ຊ້ຽວ" ໝາຍຄວາມວ່າກະຕັນຍູ ໃສ່ເຈ້ຍມ້ວນຍາວເກືອບ 210 ແມັດ ໂດຍສາມາດສ້າງສະຖິຕິກິນເນັສບຸກໂລກຊຽງໄຮໃນລາຍການຂຽນໂຕໜັງສືໂຕດຽວໃສ່ເຈ້ຍມ້ວນຍາວທີ່ສຸດທັງຂອບໃຫ້ງາມໃນວັນດຽວ.
ຂ່າວແຈ້ງອີກວ່າ: ນັບແຕ່ວັນທີ 28-29 ຕຸລານີ້, ຢູ່ຕາແສງປາວເຟິ່ງ ເມືອງຈິ້ງອ່ານ ແຂວງຈ່ຽງຊີ່ ໄດ້ຈັດບຸນວັດທີ່ເນັ້ນວັດທະນະທຳຄວາມກະຕັນຍູຄັ້ງທີ 3 ຂຶ້ນ ໂດຍໄດ້ຈັດກິດຈະກຳຕ່າງໆ ເພື່ອສົ່ງເສີມວັດທະນະທຳທີ່ເປັນມູນເຊື້ອຂອງຊົນຊາດຈີນ, ສືບທອດຄຸນນະທຳອັນດີງາມທີ່ເປັນມູນເຊື້ອໃນການເຄົາລົບຮັກ ແລະ ກະຕັນຍູຕໍ່ຜູ້ເຖົ້າຜູ້ແກ່.