ທ່ານນາງຄາງວາກຸງ ລັດຖະມົນຕີກະຊວງການຕ່າງປະເທດສ.ເກົາຫຼີຕອບຄຳຊັກຖາມຂອງສະພາແຫ່ງຊາດໃນວັນທີ 30 ຕຸລານີ້ໂດຍຢືນຢັນວ່າ, ປັດຈຸບັນ, ສ.ເກົາຫຼີບໍ່ມີແຜນຈະເພີ່ມການຕິດຕັ້ງລະບົບຕ້ານຂີປະນາວຸດທັດ.
ທ່ານນາງຄາງວາກຸງກ່າວວ່າ, ຫຼັກໝັ້ນຂອງລັດຖະບານສ.ເກົາຫຼີທີ່ບໍ່ເຂົ້າຮ່ວມລະບົບຕ້ານຂີປະນາວຸດຂອງອາເມລິກາຈະບໍ່ປ່ຽນແປງ ແລະ ພວມພະຍາຍາມສ້າງລະບົບຕ້ານຂີປະນາວຸດແບບສ.ເກົາຫຼີ. ການຮ່ວມມືດ້ານການປ້ອງກັນຄວາມໝັ້ນຄົງລະຫວ່າງສາມປະເທດ ຄື ສ.ເກົາຫຼີ, ອາເມລິກາ ແລະຍີ່ປຸ່ນກໍເພື່ອເພີ່ມທະວີການສະກັດກັ້ນ ແລະຄວາມສາມາດຕອບໂຕ້ຕໍ່ການຂົ່ມຂູ່ຂີປະນາວຸດນິວເຄຣຍຂອງສປປເກົາຫຼີ ແລະ ຈະບໍ່ໃຫ້ກາຍເປັນພັນທະມິດທະຫານ 3 ຝ່າຍ.
ທ່ານນາງຄາງວາກຸງກ່າວຕື່ມວ່າ, ການແລກປ່ຽນຍຸດທະສາດລະຫວ່າງສ.ເກົາຫຼີ, ຈີນ ແລະອາເມລິກາກໍຄວນບັງເກີດຜົນ ແລະ ມີຄວາມຈຳເປັນ ເຊິ່ງເຖິງວ່າຍັງບໍ່ໄດ້ສ້າງຂອບທີ່ລະອຽດກໍຕາມ, ແຕ່ພວມຄົ້ນຄວ້າແລະປຶກສາກັນໃນເລື່ອງນີ້.
 |
