ວັນທີ 31 ຕຸລານີ້, ຢູ່ເຂດມານຮັດຕານນະຄອນນິວຢອກປະເທດອາເມລິກາໄດ້ເກີດເຫດການໂຈມຕີແບບກໍ່ການຮ້າຍດ້ວຍການໃຊ້ລົດໃຫຍ່ຕຳຄົນ ສົ່ງຜົນເຮັດໃຫ້ 8 ຄົນເສຍຊີວິດ ແລະ10 ກວ່າຄົນບາດເຈັບ ໃນນີ້ມີຜູ້ບາດເຈັບສາຫັດຈຳນວນໜຶ່ງ.
ທ່ານ ອັນດຣູ ໂຄມໍ ເຈົ້າຄອງລັດນິວຢອກກ່າວໃນການຖະແຫຼງຂ່າວວ່າ: ການໂຈມຕີເທື່ອນີ້ບໍ່ໄດ້ກ່ຽວຂ້ອງກັບກຸ່ມອື່ນ ແລະກໍບໍ່ແມ່ນເຈດຕະນາໂຈມຕີຂະໜາດໃຫຍ່. ຫຼັງເກີດເຫດ, ທ່ານ ໂດນັນ ທຣຳ ປະທານາທິບໍດີອາເມລິກາໄດ້ໂພສ໌ຂໍ້ຄວາມລົງ Twitter ວ່າ: ນີ້ແມ່ນການໂຈມຕີທີ່ຜູ້ເປັນບ້າກໍ່ຂຶ້ນອີກລາຍໜຶ່ງ ເຊິ່ງເຈົ້າໜ້າທີ່ປະຕິບັດກົດໝາຍພວມຕິດຕາມສະພາບເຫດການຢ່າງໃກ້ຊິດ. ແນວໃດກໍດີຂໍສະແດງຄວາມເສົ້າສະຫຼົດໃຈຕໍ່ຄອບຄົວຂອງຜູ້ເສຍຊີວິດ,ແລະສະແດງຄວາມເສຍໃຈຕໍ່ຄອບຄົວຂອງຜູ້ບາດເຈັບ.