ເຈົ້າໜ້າທີ່ຫ້ອງການຖະແຫຼງຂ່າວຄະນະລັດຖະບານຈີນໄດ້ຈັດພິທີຖະແຫຼງຂ່າວ ໂດຍທ່ານເຊ້ຍເຈິ້ນຮວາ ຜູ້ຕາງໜ້າພິເສດວຽກງານການປ່ຽນແປງຂອງດິນຟ້າອາກາດຈີນ ແລະ ທ່ານຫຼີກາວ ເຈົ້າໜ້າທີ່ກົມດິນຟ້າອາກາດຄະນະກຳມະການພັດທະນາແລະປະຕິຮູບແຫ່ງລັດຈີນໄດ້ເປີດເຜີຍ "ບົດລາຍງານນະໂຍບາຍແລະການເຄື່ອນໄຫວຮັບມືກັບການປ່ຽນແປງຂອງດິນຟ້າອາກາດປີ 2017"ຂອງຈີນວ່າ, ຈີນພວມສ້າງຕະຫຼາດຄ້າຂາຍສິດລະບາຍກາກບອນທົ່ວປະເທດ ແລະ ຈະເປີດຢ່າງເປັນທາງການພາຍໃນປີນີ້.
ທ່ານຫຼີກາວກ່າວວ່າ, ມາຮອດເດືອນກັນຍາປີນີ້, ຍອດບໍລິມາດຄ້າຂາຍສິດລະບາຍກາກບອນ ເທົ່າກັບການລະບາຍກາກບອນດິອັອກຊິດ 197 ລ້ານໂຕນ ໂດຍບັນລຸມູນຄ່າ 4 ຕື້ 500 ລ້ານຢວນ. ຂະນະທີ່ຍອດບໍລິມາດແລະຄວາມແຮງການລະບາຍກາກບອນໃນຈຸດທົດລອງລ້ວນແຕ່ມີທ່ວງທ່າຕ່ຳລົງ. ປັດຈຸບັນ, ການສ້າງຕະຫຼາດກາກບອນໃນທົ່ວປະເທດຈີນໄດ້ຮັບໝາກຜົນທີ່ດີ ແລະໂດຍລວມໄດ້ດຳເນີນໄປເປັນຢ່າງດີ.
 |
