ອົງການຄວບຄຸມການກໍ່ສ້າງໂຄງການສະໜາມກິລາໂອລິມປິກລະດູໜາວປັກກິ່ງເປີດເຜີຍໃນວັນທີ 1 ພະຈິກນີ້ວ່າ: ການກໍ່ສ້າງສະໜາມກິລາແຫ່ງໃໝ່ສຳລັບມະຫະກຳກິລາໂອລິມປິກລະດູໜາວປັກກິ່ງ 2022 ຄືບໜ້າໄປດ້ວຍດີ, ຂະນະທີ່ແຜນແມ່ບົດການກໍ່ສ້າງສະໜາມກິລາຢູ່ເມືອງຢຽນຊິ້ງກໍໄດ້ຮັບຮອງແລ້ວ. ຈາກນີ້, ໂຄງການຕ່າງໆຂອງມະຫະກຳກິລາໂອລິມປິກລະດູໜາວປັກກິ່ງໄດ້ລົງມືກໍ່ສ້າງຄົບຊຸດແລ້ວ.
ຂ່າວແຈ້ງວ່າ: ສະເພາະຢູ່ປັກກິ່ງມີໂຄງການປັບປຸງສະໜາມກິລາ 18 ໂຄງການໂດຍໃນຕໍ່ໜ້າ, ສະໜາມກິລາເຫຼົ່ານີ້ບໍ່ພຽງແຕ່ຈະສາມາດຈັດການແຂ່ງຂັນກິລາລະດູໜາວລະດັບສາກົນເທົ່ານັ້ນ, ຍັງຈະເປັນສະຖານທີ່ຫຼິ້ນນ້ຳກ້ອນແລະຫິມະສຳລັບປະຊາຊົນອີກດ້ວຍແລະຫຼັງປີ 2022, ຊາວເມືອງປັກກິ່ງຈະສາມາດສຳຜັດກັບມົນສະເໜ່ຂອງກິລາລະດູໜາວໃນສະໜາມກິລາມາດຕະຖານຫຼາຍກວ່າເກົ່າ.