ວັນທີ 1 ພະຈິກນີ້, ກອງປະຊຸມຄະນະກຳມະການທີໜຶ່ງທີ່ຮັບຜິດຊອບວຽກງານການຫຼຸດກຳລັງຮົບແລະຄວາມໝັ້ນຄົງສາກົນຂອງສະມັດຊາໃຫຍ່ອົງການສະຫະປະຊາຊາດສະໄໝທີ 72 ໄດ້ຮັບຮອງມະຕິວ່າດ້ວຍຄວາມໝັ້ນຄົງສອງສະບັບຄື "ມາດຕະການຕົວຈິງຕື່ມເພື່ອປ້ອງກັນການແຂ່ງຂັນກຳລັງຮົບຢູ່ອະວະກາດ"ແລະ "ບໍ່ເປັນຜູ້ທຳອິດທີ່ປະອາວຸດຢູ່ອະວະກາດ". ໃນນີ້, ທັດສະນະຄະຕິ "ການສ້າງປະຊາຄົມຮ່ວມຊາຕາກຳມວນມະນຸດ"ໄດ້ບັນທຶກເຂົ້າໃນມະຕິຂອງອົງການສະຫະປະຊາຊາດອີກເທື່ອໜຶ່ງ ທັງເປັນເທື່ອທຳອິດທີ່ທັດສະນະຄະຕິດັ່ງກ່າວໄດ້ບັນທຶກເຂົ້າໃນມະຕິວ່າດ້ວຍຄວາມໝັ້ນຄົງຂອງອົງການສະຫະປະຊາຊາດ.
ເຈົ້າໜ້າທີ່ອົງການສະຫະປະຊາຊາດແລະປະເທດຈຳນວນໜຶ່ງຢືນຢັນວ່າ ທັງນີ້ໄດ້ສ່ອງແສງໃຫ້ເຫັນວ່າປະຊາຄົມໂລກສະໜັບສະໜູນທັດສະນະຄະຕິຂອງຈີນຢ່າງກວ້າງຂວາງ ທັງສະແດງໃຫ້ເຫັນເຖິງຄວາມຕັ້ງໃຈແລະຄວາມໝັ້ນໃຈຂອງຈີນທີ່ຈະສຸມທຸກຄວາມພະຍາຍາມຢ່າງບໍ່ລົດລະເພື່ອການຄຸ້ມຄອງຄວາມໝັ້ນຄົງຂອງໂລກໃນໄລຍະໃໝ່.