ວັນທີ 2 ພະຈິກນີ້, ທ່ານ ແມັກກ໌ມັສເຕີ ຜູ້ຊ່ວຍວຽກງານດ້ານຄວາມໝັ້ນຄົງແຫ່ງຊາດຂອງປະທານາທິບໍດີອາເມລິກາກ່າວຂະນະໃຫ້ສຳພາດຕໍ່ສື່ມວນຊົນຈາກ 5 ປະເທດໃນອາຊີເຊັ່ນ: ຂ່າວສານຊີນຮວາວ່າ: ຈີນໄດ້ເສີມຂະຫຍາຍບົດບາດອັນໃຫຍ່ຫຼວງດ້ານຄວາມໝັ້ນຄົງຂອງພາກພື້ນ, ປົກປັກຮັກສາແລະຊຸກຍູ້ນະໂຍບາຍແບບຕ່າງຝ່າຍຕ່າງມີຜົນປະໂຫຍດແລະດ້ານອື່ນໆ ເຊິ່ງຈາກຈຸດນີ້,ທ່ານ ໂດນັນ ທຣຳ ຈຶ່ງລໍຄອຍສ້າງການພົວພັນທີ່ເຂັ້ມແຂງກັບທ່ານ ສີຈິ້ນຜິງ ປະທານປະເທດຈີນ ລວມທັງການຮັກສາຊຸກຍູ້ການສ້າງກົນໄກສັນຕິພາບ,ຄວາມໝັ້ນຄົງແລະຕ່າງຝ່າຍຕ່າງມີຜົນປະໂຫຍດຂອງພາກພື້ນນີ້.
ທ່ານກ່າວຕື່ມວ່າ: ທ່ານ ໂດນັນ ທຣຳ ມີຄວາມຫວັງວ່າຈະຮ່ວມກັບຜູ້ນຳບັນດາປະເທດໃນພາກພື້ນໂດຍສະເພາະກັບທ່ານປະທານ ສີຈິ້ນຜິງ ຄົ້ນຄວ້າປຶກສາຫາລືກ່ຽວກັບບັນຫາການປົກປັກຮັກສາຄວາມຈະເລີນຮຸ່ງເຮືອງແລະຄວາມໝັ້ນຄົງຂອງພາກພື້ນນີ້ແນວໃດ.
ທຳນຽບຂາວອາເມລິກາໃຫ້ຮູ້ວ່າ: ຫຼັງຈາກທ່ານ ໂດນັນ ທຣຳ ເດີນທາງໄປລັດຮາວາຍປະເທດຂອງຕົນໃນວັນທີ 3 ພະຈິກນີ້ຕາມເວລາທ້ອງຖິ່ນ ແລ້ວກໍຈະສືບຕໍ່ເດີນທາງຢ້ຽມຢາມຍີ່ປຸ່ນ, ສ.ເກົາຫຼີ, ຈີນ, ຫວຽດນາມ ແລະ ຟີລິບປິນ.