ໃນໂອກາດທີ່ກອງປະຊຸມບໍ່ເປັນທາງການຂອງຜູ້ນຳອົງການ APEC ຄັ້ງທີ 25 ຈະຈັດຂຶ້ນຢູ່ນະຄອນດານັງພາກກາງປະເທດຫວຽດນາມ, ທ່ານ ອາລານ ໂບນລັດ ເຈົ້າໜ້າທີ່ປະຕິບັດງານສຳນັກເລຂາອົງການຮ່ວມມືເສດຖະກິດອາຊີປາຊີຟິກຫຼື APEC ກ່າວໃນຂະນະໃຫ້ສຳພາດຕໍ່ນັກຂ່າວເມື່ອມໍ່ໆນີ້ວ່າ: ເມື່ອທຽບໃສ່ອົງການຈັດຕັ້ງທີ່ຕ້ອງເຄົາລົບຂໍ້ກຳນົດແລະກົດລະບຽບຂອງອົງການທີ່ກ່ຽວຂ້ອງບາງແຫ່ງ, APEC ມີທ່າແຮງຂອງຕົນ,ຖ້າສະມາຊິກທັງໝົດບໍ່ສາມາດບັນລຸຄວາມເປັນເອກະພາບກ່ຽວກັບວາລະປະຊຸມບາງຂໍ້,ກຸ່ມເສດຖະກິດທີ່ມີນ້ຳໃຈເປີດກວ້າງບາງແຫ່ງກໍສາມາດອອກໜ້າສະແຫວງຫາຊ່ອງທາງການແກ້ໄຂໄດ້.
ທ່ານ ອາລານ ໂບນລັດ ກ່າວຕື່ມວ່າ: ບົດຮຽນທີ່ປະສົບຜົນສຳເລັດໃນປີຜ່ານມາສະແດງໃຫ້ເຫັນວ່າ: ອົງການ APEC ແມ່ນອົງການຈັດຕັ້ງມີກົນໄກທີ່ອ່ອນໄຫວດີ, ສາມາດປັບປຸງຕົນເອງໃຫ້ສອດຄ່ອງກັບສະພາບແວດລ້ອມດ້ານການຄ້າທີ່ນັບມື້ນັບສັບສົນ. ອົງການ APEC ໄດ້ຕັ້ງໜ້າເສີມຂະຫຍາຍບົດບາດການຊຸກຍູ້ການພັດທະນາເສດຖະກິດພາກພື້ນແລະຍົກລະດັບຊີວິດການເປັນຢູ່ຂອງປະຊາຊົນໃຫ້ສູງຂຶ້ນ ແລະຫວັງວ່າໃນອະນາຄົດ, APEC ຈະສືບຕໍ່ເສີມຂະຫຍາຍບົດບາດດັ່ງກ່າວ.