ວັນທີ 5 ພະຈິກນີ້, ອາຣັບບີຊາອຸດິດໄດ້ປະກາດໃຫ້ລາງວັນ 440 ລ້ານໂດລາສະຫະລັດ, ເພື່ອນຳຈັບຜູ້ນຳກຸ່ມປະກອບອາວຸດຮຸຊີ 40 ຄົນ.
ລັດຖະບານອາຣັບບີຊາອຸດດິດລະບຸໃນຖະແຫຼງການສະບັບໜຶ່ງວ່າ, ຜູ້ນຳກຸ່ມປະກອບອາວຸດຮຸຊີ 40 ຄົນໄດ້ຖືກຈັດເຂົ້າໃນບັນຊີດຳຂອງປະເທດຕົນຍ້ອນເຄື່ອນໄຫວກໍ່ການຮ້າຍ. ທັງນີ້ລັດຖະບານຈະມອບລາງວັນເປັນເງິນແຕ່ 5 ລ້ານຫາ 30 ລ້ານໂດລາໃຫ້ແກ່ຜູ້ທີ່ແຈ້ງເບາະແສເພື່ອສາມາດຈັບຄົນເຫຼົ່ານີ້. ໃນນັ້ນລາງວັນຫຼາຍທີ່ສຸດຄືເບະແສກ່ຽວກັບທ່ານອາບດຸນມາລິກ ຜູ້ນຳສູງສຸດກຸ່ມປະກອບອາວຸດຮຸຊີ, ໂດຍມີເຖິງ 30 ລ້ານໂດລາ.
ກ່ອນອາຣັບບີຊາອຸດິດປະກາດໃຫ້ລາງວັນນຳຈັບໜຶ່ງມື້, ກຸ່ມປະກອບອາວຸດດັ່ງກ່າວໄດ້ຍິງຂີປະນາວຸດລູກໜຶ່ງໃສ່ສະໜາມບິນສາກົນນະຄອນຫຼວງລີຢາດຂອງອາຣັບບີຊາອູດິດ, ຂະນະທີ່ກອງທັບປ້ອງກັນອາກາດອາຣັບບີຊາອຸດິດກໍສາມາດຍິງສະກັດຂີປະນາວຸດດັ່ງກ່າວດ້ວຍຜົນສຳເລັດໂດຍບໍ່ມີຄວາມເສຍຫາຍຕໍ່ຊີວິດແລະຊັບສິນໃດໆ. ນີ້ແມ່ນເທື່ອທຳອິດທີ່ກຸ່ມປະກອບອາວຸດດັ່ງກ່າວຍິງຂີປະນາວຸດໃສ່ນະຄອນຫຼວງອາຣັບບີຊາອຸດິດ.