ໃນໂອກາດໃຫ້ສຳພາດຕໍ່ນັກຂ່າວຢູ່ນະຄອນຫຼວງປັກກິ່ງ ສປ ຈີນໃນວັນທີ 6 ພະຈິກນີ້, ທ່ານເທັຣີ ບຣັນສແຕັດ ເອກອັກຄະລັດຖະທູດອາເມລິກາປະຈຳຈີນໄດ້ແຈ້ງການຢ້ຽມຢາມຈີນຂອງທ່ານໂດນັນ ທຣຳ ປະທານາທິບໍດີອາເມລິກາແລະເຫັນວ່າການພົບປະເທື່ອນີ້ແມ່ນ "ການພົບປະສຳຄັນທີ່ເປັນປະຫວັດສາດ".
ໂດຍຕອບສະໜອງຕາມຄຳເຊີນຂອງທ່ານສີຈິ້ນຜິງ ປະທານປະເທດຈີນ, ທ່ານໂດນັນ ທຣຳ ປະທານາທິບໍດີອາເມລິກາຈະຢ້ຽມຢາມປະເທດຈີນທາງລັດຖະກິດແຕ່ວັນທີ 8 ຫາວັນທີ 10 ພະຈິກນີ້. ໂດຍທ່ານບຣັນແສແຕັດ ກ່າວວ່າ, ໃນໄລຍະຢ້ຽມຢາມ, ປະມຸກລັດສອງປະເທດຈະແລກປ່ຽນຄວາມເຫັນກ່ຽວກັບການເສີມຂະຫຍາຍສາຍພົວພັນລະຫວ່າງສອງປະເທດແລະບັນຫາທີ່ສອງຝ່າຍສົນໃຈ, ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວຢ່າງໝັ້ນທ່ຽງແລະຕໍ່ເນື່ອງ.
ເມື່ອເວົ້າເຖິງການຮ່ວມມືເສດຖະກິດການຄ້າ, ທ່ານບຣັນສແຕັດ ກ່າວວ່າ, ຈະມີຜູ້ແທນເສດຖະກິດຮ່ວມຕິດຕາມການຢ້ຽມຈີນຄັ້ງນີ້, ປະມຸກລັດສອງປະເທດຈະເປັນສັກຂີພິຍານໃນການລົງນາມເອກະສານຕ່າງໆ, ທີ່ກ່ຽວພັນເຖິງຫຼາຍຂົງເຂດເຊັ່ນ: ອຸດສາຫະກຳການຜະລິດ, ພະລັງງານແລະອື່ນໆ, ຂະນະດຽວກັນກໍເຫັນອີກວ່າ, ຈີນແລະອາເມລິກາມີກຳລັງບົ່ມຊ້ອນໃນການຮ່ວມມືປິ່ນປົວສຸຂະພາບແລະສາທາລະນະສຸກ, ການຕ້ານຢາເສບຕິດ, ການນຳຈັບຜູ້ກະທຳຜິດທີ່ຫຼົບໜີໄປຢູ່ຕ່າງປະເທດພ້ອມຂອງກາງ. ການສົ່ງຜູ້ຍ້າຍຖິ່ນຖານທີ່ຜິດກົດໝາຍ.