ຈຳ​ນວນບົດນິ​ພົນ​ແລະ​ປະ​ລິ​ມານ​ຮ້ອງ​ຂໍ​ສິດ​ທິ​ບັດ​ໃນ​ຂົງ​ເຂດເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ຂອງ​ຈີນ​ຢູ່​ແຖວ​ໜ້າ​ຂອງ​ໂລກ
2017-11-08 14:27:07  cri 
​ວັນ​ທີ 7 ພະ​ຈິກ​ນີ້​ຢູ່​ນະ​ຄອນ​ທຽນ​ສິນ ສ​ປ ຈີນ, ສະ​ຖາ​ບັນ​ເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ທຽນ​ສິນ​ສະຖາ​ບັນ​ວິ​ທະ​ຍາ​ສາດ​ຈີນ​ແລະ​ສູນ​ຂ່າວ​ລັບ​ເອ​ກະ​ສານ​ເສິງ​ຕູ່​ສະ​ຖາ​ບັນ​ວິ​ທະ​ຍາ​ສາດ​ຈີນ​ໄດ້​ຮ່ວມ​ກັນ​​ນຳ​ສະ​ເໜີປຶ້ມ​ປົກ​ຂາວ​ເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ຈີນ​ແລະ​ບົດ​ລາຍ​ງານ​ວິ​ເຄາະ​ການ​ລົງ​ທຶນ​ໃນ​ອຸດ​ສາ​ຫະ​ກຳ​ຊີ​ວະ​ພາບ​ຈີນ2017ໂດຍ​ຊີ້​ໃຫ້​ເຫັນ​ວ່າ ຊຸມ​ປີ​ມໍ່ໆ​ມາ​ນີ້, ການ​ຄົ້ນ​ຄວ້າ​ຂັ້ນ​ພື້ນ​ຖານ​ແລະ​ການ​ປະ​ດິດ​ສ້າງ​ເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ຂອງ​ຈີນ​ໄດ້​ມີ​ທ່ວງ​ທ່າພັດ​ທະ​ນາ​ໄປ​ດ້ວຍ​ດີ​ແລະ​ມີ​ອິດ​ທິ​ພົນ​ດ້ານ​ວິ​ທະ​ຍາ​ສາດ​ສູງ​ຂຶ້ນ​ເລື້ອຍໆ.

ບົດ​ລາຍ​ງານ​ລະ​ບຸ​ວ່າ: ແຕ່​ປີ 2006 ຫາ​ປີ2016, ຕາມ​ຖານ​ຂໍ້​ມູນ SCI ສະ​ຫະ​ລັດ​ອາ​ເມ​ລິ​ກາ, ບົດ​ວິ​ທະ​ຍາ​ນິ​ພົນ​ທີ່​ກ່ຽວ​ພັນ​ກັບ​ຂົງ​ເຂດ​ເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ທີ່​ໄດ້ພິມ​ໃນ​ວາ​ລະ​ສານ​ໃນ​ທົ່ວ​ໂລກ​​ມີ​ເຖິງ 403.348 ບົດ,ໃນ​ນີ້, ຈີນ​ເປັນ​ອັນ​ດັບ 2 ຂອງ​ທົ່ວ​ໂລກ ຖັດ​ຈາກ​ອາ​ເມ​ລິ​ກາ, ​ຂະ​ນະ​ທີ່ເຢຍ​ລະ​ມັນ ເປັນ​ທີ 3​ ແລະຍີ່​ປຸ່ນ​ເປັນ​ທີ 4. ສຳ​ລັບ ປີ 2016, ຈີນ​ໄດ້​ລົງ​ພິມ​ບົດ​ວິ​ທະ​ຍາ​ນິ​ພົນ​ເຖິງ 11.226 ບົດ ເຊິ່ງ​ລື່ນ ອາ​ເມ​ລິ​ກາ​ທີ່​ມີ 11.072 ບົດ​ໂດຍ​ກ້າວ​ມາ​ສູ່​ການ​ເປັນອັນ​ດັບ​ໜຶ່ງ​.

ບົດ​ລາຍ​ງານ​ລະ​ບຸ​ຕື່ມ​ວ່າ: ແຕ່​ປີ 2006 ຫາ​ປີ 2016, ຍອດການ​ຮ້ອງ​ຂໍ​ສິດ​ທິ​ບັດ​ໃນ​ຂົງ​ເຂດ​ເຕັກ​ໂນ​ໂລ​ຊີ​ອຸດ​ສາ​ຫະ​ກຳ​ຊີ​ວະ​ພາບ​ຂອງ​ຈີນ​ບັນ​ລຸ​ເຖິງ 120.586 ສະ​ບັບ ເປັນ​ອັນ​ດັບ​ໜຶ່ງ​ຂອງ​ໂລກ, ​ສ່ວນອາ​ເມ​ລິ​ກາ ເປັນ​ທີ2ແລະຍີ່​ປຸ່ນ​ເປັນ​ທີ3.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ