ລັດຖະບານນີເຊຣີຢືນຢັນໃນວັນທີ 7 ພະຈິກນີ້ວ່າ, ຫວ່າງມໍ່ໆມານີ້ມີປະຊາຊົນປະເທດຕົນ 26 ຄົນເສຍຊີວິດໃນຂະນະລັກເຂົ້າປະເທດເອີລົບຈາກທະເລເມດີແຕລາເນ, ແລະໄດ້ພົບຊາກສົບແລ້ວ.
ເຈົ້າໜ້າທີ່ນີເຊຣີລະບຸໃນຖະແຫຼງການສະບັບໜຶ່ງວ່າ, ນີ້ແມ່ນອຸບັດເຫດກໍລະນີໜຶ່ງທີ່ເປັນທຸກໂດຍຊາວໜຸ່ມປະເທດຕົນຈຳນວນໜຶ່ງໄດ້ເລືອກເສັ້ນທາງທີ່ເຕັມໄປດ້ວຍຄວາມສ່ຽງເພື່ອຊອກຫາວຽກເຮັດງານທຳແລະສ້າງໂອກາດໃນການດຳລົງຊີວິດທີ່ດີກວ່າເກົ່າ, ແຕ່ສຸດທ້າຍສິ່ງທີ່ເຂົາເຈົ້າປະສົບນັ້ນກໍຄືຄວາມໝົດຫວັງ, ທໍລະມານຈົນກະທັ້ງເສຍຊີວິດ, ເຊິ່ງເປັນເລື່ອງທີ່ບໍ່ໜ້າກະທຳ.
ສື່ມວນຊົນທ້ອງຖິ່ນລາຍງານວ່າ, ການລັກເຂົ້າປະເທດອື່ນທາງທະເລ ສ່ວນຫຼາຍຕ້ອງຈ່າຍເງິນຢ່າງຫຼວງຫຼາຍ, ແລະເຮືອຂົນສົ່ງກໍນັບມື້ນັບນ້ອຍກວ່າເກົ່າ, ແລະຄວາມສ່ຽງກໍນັບມື້ນັບສູງຂຶ້ນ. ຈາກນີ້, ລັດຖະບານນີເຊຣີໄດ້ຮຽກຮ້ອງປະຊາຊົນປະເທດຕົນຈົ່ງຍົກສະຕິລະວັງຕົວໃຫ້ສູງຂຶ້ນເພື່ອຫຼີກເວັ້ນຄວາມສ່ຽງທີ່ອາດຈະເກີດຂຶ້ນ.
 |
