ກຳ​ປັ່ນ​ແພດ​​ສັນ​ຕິ​ພາບ​ຂອງກອງ​ທັບ​ເຮືອ​ຈີນ​​ຢ້ຽມ​ຢາມ​ໂມ​ຊຳ​ບິກ​ເປັນ​ຄັ້ງ​ທຳ​ອິດ
2017-11-08 10:52:37  cri 
ກຳ​ປັ່ນ​ແພດ​ສັນ​ຕິ​ພາບ​ຂອງກອງ​ທັບ​ເຮືອ​ຈີນ ທີ່​ປະ​ຕິ​ບັດ​​ໜ້າ​ທີ່ຮັກ​ສາ​ຄວາມ​ກົມ​ກຽວ​ກັນ 2017 ໄດ້​ເດີນ​ທາງ​ເຖິງ​ນະ​ຄອນຫຼວງ​ມາ​ປູ​ໂຕ ປະ​ເທດ​ໂມ​ຊຳ​ບິກ​ໃນ​ວັນ​ທີ 7 ພະ​ຈິກ​ນີ້ ​ເຊິ່ງ​ເປັນ​ການເລີ່ມ​ຢ້ຽມ​ຢາມ​ສັນ​ຖະ​ວະ​ໄມ​ຕີ​ ແລະ ​ບໍ​ລິ​ການ​ດ້ານ​ມະ​ນຸດ​ສະ​ທຳ​ແກ່​ໂມ​ຊຳ​ບິກ​ເປັນ​ຄັ້ງ​ທຳ​ອິດ ແລະ​ເປັນປະ​ເທດ​ທີ 36 ພາຍ​ຫຼັງ​ບັນ​ຈຸເຂົ້າ​​ໃນ​ກອງ​ກຳ​ລັງ​ກຳ​ປັ່ນ​ກອງ​ທັບ​ເຮືອ​ຈີນ​ເປັນ​ຕົ້ນ​ມາ.

ຂ່າວ​ແຈ້ງວ່າ, ໃນ​ໄລ​ຍະ​ຢ້ຽມ​ຢາມ, ​ກັບ​ຕັນ​ພ້ອມ​ຄະ​ນະ​ຈະ​​ເຂົ້າ​ຢ້ຽມ​ຄຳ​ນັບ​ເຈົ້າ​ໜ້າ​ທີ່​ທະ​ຫານ​ແລະ​ລັດ​ຖະ​ບານຫຼາຍ​ທ່ານ​ຂອງ​ໂມ​ຊຳ​ບິກ, ຂະ​ນະ​ທີ່ທູ​ຕາ​ນຸ​ທູດ​ປະ​ເທດ​ຕ່າງໆ​ປະ​ຈຳ​ໂມ​ຊຳ​ບິກ​​ກໍຈະ​ຢ້ຽມ​ຢາມ​ແລະ​ຕິດ​ຕາມ​ເບິ່ງ​ການ​ປິ່ນ​ປົວ​ຢູ່​ກຳ​ປັ່ນ ໂດຍ​ບັນ​ດາ​ແພດ​ໝໍ​ຈະ​ປິ່ນ​ປົວ​ຄົນ​ເຈັບ​ຢູ່​ເທິງ​ກຳ​ປັ່ນ​ເປັນ​ຕົ້ນ​ຕໍ, ຂະ​ນະ​ດຽວ​ກັນ​ກໍ​ສົ່ງ​ຄະ​ນະ​ຊ່ຽວ​ຊານ​ແພດ​ໝໍເຂົ້​າ​ຮ່ວມ​ປິ່ນ​ປົວ​​ຢູ່​ໂຮງ​ໝໍ​ທະ​ຫານ​ໂມ​ຊຳ​ບິກ ພ້ອມ​ດ້ວຍ​ດຳ​ເນີນ​ການ​ແລກ​ປ່ຽນ​ດ້ານ​ວິ​ຊາ​ການ. ນອກ​ນີ້, ນາຍ​ແລະ​ພົນ​ທະ​ຫານ​ຍັງ​​ຈະ​​ເຂົ້າ​ຮ່ວມກິດ​ຈະ​ກຳ​ເຕະບານ​, ບານ​ບ້ວງ​ຢູ່​ຄ້າຍ​ທະ​ຫານ ​ກັບ​ນາຍ​ແລະ​ພົນ​ທະ​ຫານ​ໂມ​ຊຳ​ບິກ ເພື່ອ​ເພີ່ມ​ຄວາມ​ເຂົ້​າ​ໃຈ​ແລະ​ເພີ່ມ​ທະ​ວີ​ນ້ຳ​ໃຈມິດ​ຕະ​ພາບ​ຕໍ່​ກັນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ