ທະນາຄານຈີນສາຂາກາຣາຊີປາກິສະຖານ ໄດ້ຈັດພິທີເປີດບໍລິການຢູ່ນະຄອນຫຼວງອິສລາມາບັດໃນວັນທີ 7 ພະຈິກນີ້ ເຊິ່ງເປັນຂີດໝາຍສະແດງໃຫ້ເຫັນວ່າ, ສາຂາແຫ່ງທຳອິດຂອງທະນາຄານຈີນຢູ່ພາກພື້ນອາຊີໃຕ້ ໄດ້ເປີດບໍລິການຢ່າງເປັນທາງການແລ້ວ.
ທ່ານ ມາມນູນ ຊູເຊັນ ປະທານາທິບໍດີປາກິສະຖານ ໄດ້ປາໄສໃນພິທີດັ່ງກ່າວວ່າ, ການທີ່ທະນາຄານຈີນຕັ້ງສາຂາຢູ່ກາຣາຊີ ສະແດງໃຫ້ເຫັນວ່າ, ການກໍ່ສ້າງແລວທາງເສດຖະກິດຈີນ-ປາກິສະຖານ ພວມນຳເອົາຜົນປະໂຫຍດມາສູ່ປະຊາຊົນ. ແນວໃດກໍດີ, ລັດຖະບານ ແລະທະນາຄານກາງຂອງປະເທດຕົນ ຈະສືບຕໍ່ຊ່ວຍເຫຼືອທຸກສິ່ງທຸກຢ່າງ ເພື່ອຊຸກຍູ້ການພັດທະນາທຸລະກິດຂອງທະນາຄານຈີນຢູ່ປະເທດຕົນ.
ທ່ານ ຈ້າວລີ້ຈ່ຽນ ອຸປະທູດຊົ່ວຄາວຂອງສະຖານທູດຈີນປະຈຳປາກິສະຖານ ກ່າວວ່າ, ຈີນ-ປາກິສະຖານແມ່ນຄູ່ຮ່ວມມືຍຸດທະສາດຕະຫຼອດ 24 ຊົ່ວໂມງ ແລະ ການທີ່ທະນາຄານຈີນເປີດສາຂາຢູ່ປາກິສະຖານ ເປັນຂີດໝາຍສະແດງໃຫ້ເຫັນເຖິງຄວາມໝັ້ນໃຈແລະການໃຫ້ຄວາມສຳຄັນຂອງຕະຫຼາດການທະນາຄານຈີນຕໍ່ການພັດທະນາເສດຖະກິດປາກິສະຖານ. ແນວໃດກໍດີ, ຫວັງວ່າທະນາຄານຈີນ ຈະເປີດກວ້າງຂະໜາດທຸລະກິດ ແລະເຮັດໃຫ້ປະເພດທຸລະກິດເພີ່ມຫຼາຍຂຶ້ນຢ່າງບໍ່ຢຸດຢັ້ງ ເພື່ອປະກອບສ່ວນໃໝ່ເຂົ້າໃນການຊຸກຍູ້ມິດຕະພາບແລະການພັດທະນາເສດຖະກິດລະຫວ່າງສອງປະເທດ.