ຫໍວິທະຍາສາດເຕັກນິກເສສວນທີ່ໄດ້ລົງທຶນ 120 ລ້ານຢວນເພື່ອຍົກລະດັບ ແລະໃຊ້ເວລາ 400 ກວ່າມື້ນັ້ນ ຈະເປີດບໍລິການຢ່າງເປັນທາງການໃນໄວໆນີ້. ຫຼັງການປັບປຸງ, ເນື້ອທີ່ວາງສະແດງຂອງຫໍດັ່ງກ່າວ ໄດ້ເພີ່ມຂຶ້ນເຖິງ 25.000 ຕາແມັດ ໂດຍຈະວາງສະແດງຜົນງານວິທະຍາສາດເຕັກນິກດ້ານການບິນ, ການບິນອະວະກາດ, ໂຄງການຊົນລະປະທານຕູ່ຈ່ຽງຢ້ຽນ ແລະອື່ນໆ ໃນໄລຍະປະຕິບັດແຜນການ 5 ປີຄັ້ງທີ 12 ພ້ອມດ້ວຍຄວາມຮູ້ວິທະຍາສາດໃນດ້ານຊີວິດວິທະຍາ, ການປ້ອງກັນແລະຫຼົບໄພທຳມະຊາດ ເຊິ່ງໃນຫໍມີເຄື່ອງວາງສະແດງ 360 ຊະນິດໃນ 16 ເຂດ. ນອກນັ້ນ ຍັງມີໂຮງລະຄອນທີ່ເປັນເອກະລັກ 4 ແຫ່ງ ເຊັ່ນໂຮງຮູບເງົາ 4D ເປັນຕົ້ນ.