ວັນທີ 9 ພະຈິກເປັນວັນໂຄສະນາການດັບເພີງ 119 ຂອງຈີນ, ຫໍDoducity ເດັກນ້ອຍເຍົາວະຊົນເມືອງຫາງໂຈ່ວໄດ້ຮ່ວມກັບພະແນກດັບເພີງ ປກສ ເມືອງຫາງໂຈ່ວຈັດເດືອນໂຄສະນາ "ຊີວິດທີ່ດີງາມ ມີການປົກຄອງດ້ວຍກົດໝາຍຢູ່ຄຽງຂ້າງ" ເຊິ່ງໄດ້ຈັດກິດຈະກຳໃຫ້ຊາວໜຸ່ມເຍົາວະຊົນ ແລະເດັກນ້ອຍຮຽນຮູ້ການເອົາໂຕລອດຈາກອັກຄີໄພ, ການແຂ່ງຂັນຄວາມຮູ້ດັບເພີງ, ຮຽນຮູ້ການປາບປາມຢາເສບຕິດ, ການຊ່ວຍເຫຼືອຕົນເອງ ແລະອື່ນໆ. ທັງນີ້ເພື່ອເຮັດໃຫ້ການໂຄສະນາຄວາມປອດໄພເຊື່ອມເຂົ້າໃນກິດຈະກຳຕ່າງໆ.