ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ​ລາວ​ກັບ​ຈີນ​ໄດ້​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ຂອງ​ລາວ​ຢ່າງ​ແຂງ​ແຮງ
2017-11-12 15:47:33  cri 
ກ່ອນ​​ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ ປະ​ທານ​ປະ​ເທດ​ຈີນ​ຈະ​ໄປ​ຢ້ຽມ​ຢາມສ.ປ.ປ.​ລາວ​ທາງ​ລັດ
​ຖະ​ກິດ, ທ່ານ​ນາງ​ເຂັມ​ມະ​ນີ ພົນ​ເສ​ນາ, ລັດ​ຖະ​ມົນ​ຕີ​ກະ​ຊວງ​ອຸດ​ສາ​ຫະ​ກຳແລະ​ການ​ຄ້າ​ລາວ​ທັງ​ເປັນ​ປະ​ທານ​ຄະ​ນະ​ກຳ​ມະ​ການ​ຮ່ວມ​ມື​ລາວ​
ຈີນ​ໄດ້​ໃຫ້​ສຳ​ພາດ​ຕໍ່​ນັກ​ຂ່າວCRI ໂດຍ​ຕີ​ລາ​ຄາ​ສູງ​ຕໍ່​ໝາກ​ຜົນ​ແຫ່ງ​ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ​ສອງ​ປະ​ເທດແລະ​ແນວ
​ຄິດ​ສີ​ຈິ້ນ​ຜິງວ່າ​ດ້ວຍ​ການ​ປົກຄອງ​ປະ​ເທດຄຸ້ມ​ຄອງ​ລັດ, ພ້ອມ​ທັງກ່າວ​ວ່າ, ພັກ ລັດແລະ​ປະ​ຊາ​ຊົນ​ລາວຄອງ​ຄອຍ​ທີ່​ສຸດ​ຕໍ່​ການ​ຢ້ຽມ​ຢາມ​ເທື່ອ
​ນີ້​ຂອງ​ທ່ານ​ສີ​ຈິ້ນ​ຜິງ.

ທ່ານ​ນາງ​ເຂັມ​ມະ​ນີຕີ​ລາ​ຄາ​ສູງຕໍ່​ແນວ​ຄິດ​ປົກ​ຄອງ​ປະ​ເທດ ແລະ​ຄຸ້ມ​ຄອງ​ລັດ​ຂອງ​ຈີນ​ໃນ​ຍຸກ​ໃໝ່,ແລະ​ຄອງ​ຄອຍ​ຕໍ່​ການ​ຢ້ຽມ​ຢາມ​ລາວ​ທາງ​ລັດ
​ຖະ​ກິດ​ຂອງ​ທ່າ​ນ​ສີ​ຈິ້ນ​ຜິງ​ໃນ​ເທື່ອ​ນີ້ໂດຍ​ກ່າວ​ວ່າ,"ການທີ່ວ່າກອງປະຊຸມໃຫຍ່ຄັ້ງທີ19ຂອງພັກກອມມຸນິດຈີນໄດ້ກໍານົດແນວຄິດທີ່ມີສີສັນພິ
ເສດຂອງຈີນໃນຍຸກໃໝ່ເຂົ້າໃນກົດລະບຽບແລະແຜນດໍາເນີນງານຂອງພັກ,ກໍສະແດງວ່າ, ຄວາມຕັດສິນໃຈຂອງປະຊາຊົນຈີນທີ່ສືບຕໍ່ສ້າງ
ສັງຄົມນິຍົມຕາມສີສັນຂອງຈີນ.ປື້ມທ່ານປະທານສີຈິ້ນຜີງວ່າດ້ວຍການປົກຄອງປະເທດແລະບໍລິຫານການເມືອງຈະສ້າງໂອກາດໃຫ້ລາວໄດ້
ຮຽນຮູ້ການປົກຄອງຂອງປະທານສີຈິ້ນຜິງ ກໍຄືພັກກອມມຸນິດຈີນເພີ່ມຂຶ້ນ.ສອງປະເທດເປັນເພື່ອນທີ່ດີ,ສະຫາຍທີ່ດີ,ບ້ານໃກ້ເຮືອນຄຽງທີ່ດີ
ແລະຄູ່ຮ່ວມມືທີ່ດີ.ພວກເຮົາຄອງຄອຍແລະເປັນກຽດທີ່ວ່າ, ເລຂາທິການໃຫຍ່ປະທານສີຈິ້ນຜີງທີ່ເລືອກເອົາສປປ ລາວເປັນປະເທດທີ່ຈະມາ
ຢ້ຽມຢາມ."

ທ່ານ​ນາງ​ເຂັມ​ມະ​ນີກ່າວ​ວ່າ, ໃນ​ຊຸມ​ປີ​ມໍ່ໆ​ມາ​ນີ້, ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ​ສອງ​ປ​ະ​ເທດ​ລາວ​ຈີນ​ໄດ້​ແຕກດອກ​ອອກ​ຜົນ
​ຢ່າງ​ຮອບ​ດ້ານ,ໄດ້​ຮັບ​ຜົນ​ສຳ​ເລັດ​ທີ່​ສຳ​ຄັນຫຼາຍ​ຢ່າງ. ຈີນ​ໄດ້​ກາຍ​ເປັນ​ປະເທດ​ແຫຼ່ງ​ລົງ​ທຶນ​ໃຫຍ່​ທີ່​ສຸດ​, ​ແລະ​ເປັນ​ຄູ່​ການ​ຄ້າ​ໃຫຍ່​ອັນ​ດັບ2
ຂອງ​ປະ​ເທດ​ລາວ. ທ່ານ​ນາງ​ກ່າວ​ວ່າ, ການ​ລົງ​ທຶນ​ຂອງ​ຈີນ​ໄດ້​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ຂອງ​ລາວ ​ແລະຊີ​ວິດ​ການ​ເປັນ​ຢູ່​ຂອງ
​ປະ​ຊາ​ຊົນລາວ​ກໍ​ນັບ​ມື້​ນັບ​ດີ​ຂຶ້ນ.

"6 ເດືອນຕົ້ນປີ2017 ການຄ້າລະຫວ່າງລາວ-ຈີນໄດ້ມີການເພີ່ມຂຶ້ນ 23,5 %, ມູນຄ່າການຄ້າ1,5 ຕື້ໂດລາສະຫະລັດ, ພິເສດ,ຈີນໄດ້
ໃຫ້ການສະໜັບສະໜູນຊ່ວຍເຫຼືອໃນໂຄງການຫຼຸດຜ່ອນຄວາມທຸກຍາກ,ຊ່ວຍຍົກລະດັບຊີວິດການເປັນຢູ່ຂອງປະຊາຊົນລາວທີ່ຢູ່ຫ່າງໄກ
ສອກຫຼີກ, ຊ່ວຍສ້າງໂຮງຮຽນ, ສ້າງໂຮງໝໍຕ່າງໆ.ໃນປີ2018 ສປປ ລາວຈະຈັດປີທ່ອງທ່ຽວລາວ. ຂ້າພະເຈົ້າກໍຫວັງວ່າ, ຈາກການຮ່ວມ
ມືກໍຄືການຢ້ຽມຢາມນີ້, ເຮັດໃຫ້ມີນັກທ່ອງທ່ຽວເພີ່ມຂຶ້ນ.ຈາກການລົງທຶນ, ໄດ້ສະແດງອອກປະກອບສ່ວນເຂົ້າໃນການສ້າງສາພັດທະນາລາວ
ຂອງພວກເຮົາ ແລະ ໄດ້ເຮັດໃຫ້ຊີວິດການເປັນຢູ່ຂອງປະຊາຊົນເພີ່ມຂຶ້ນເທື່ອລະກ້າວ."

ທ່ານ​ນາງ​ເຂັມ​ມະ​ນີ​ກ່າວ​ຕື່ມວ່າ, ນັບແຕ່​ທ່ານ​ປະ​ທານ​ສີ​ຈິ້ນ​ຜີງ​ວາງ​ຂໍ້​ລິ​ເລີ່ມ "ໜຶ່ງ​ແລວ​ທາງ​ໜຶ່ງ​ເສັ້ນ​ທາງ"ເມື່ອ​ປີ 2013 ເປັນ​ຕົ້ນ​ມາ, ​ຂໍ້​ລິ​
ເລີ່ມ​ດັ່ງ​ກ່າວໄດ້​ຮັບ​ການ​ສະ​ໜັບ​ສະ​ໜູນ​ຢ່າງກວ້າງ​ຂ​ວາງ​ຈາກ​ປະ​ຊາ​ຄົມ​ໂລກ​ ເຊິ່ງ​ລວມ​ທັງ​ປະ​ເທດ​ລາວ. ຄະ​ນະ​ກຳ​ມະ​ການ​ຮ່ວມ​ມື​ລາວ​ຈີນ​
ພວມ​ຮ່ວມ​ກັບ​ລັດ​ຖະ​ບານ​ຈີນ​ປຶກ​ສາ​ຫາ​ລື​ແຜນ​ການ​ຮ່ວມ​ມື​ໄລ​ຍະ​ສັ້ນ, ໄລ​ຍະ​ກາງ​ ແລະ​ໄລ​ຍະ​ຍາວ​ລະ​ຫວ່າງ​ສອງ​ປະ​ເທດ.

"ກະຊວງຕ່າງໆກໍໄດ້ມີການປະສານສົມທົບປຶກສາຫາລືກັນ ເພື່ອເຮັດແນວໃດ ເຮັດໃຫ້ຂໍ້ລິເລີ່ມນະໂຍບາຍ"ໜຶ່ງແລວທາງໜຶ່ງເສັ້ນທາງ"
ຫັນປະເທດລາວມາເປັນປະເທດເຊື່ອມຈອດນຳເອົາຜົນປະໂຫຍດມາສູ່ປະຊາຊົນຂອງສອງປະເທດຂອງພວກເຮົາ.ສໍາລັບຄະນະກໍາມາທິ
ການຮ່ວມມືລາວ-ຈີນກໍໄດ້ປະກອບສ່ວນຢ່າງສໍາຄັນເຂົ້າໃນການເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບລາວ-ຈີນ, ແລະເປັນເສ
ນາທິການໃຫ້ແກ່ພັກແລະລັດຖະບານ ເປັນຂົວຕໍ່ໃຫ້ແກ່ພາກທຸລະກິດ ກໍຄືພາກປະຊາຊົນ. ພວກຂ້າພະເຈົ້າໄດ້ຊຸມໃສ່ປຶກສາຫາລືວ່າ,
ເຮັດແນວດໃດຈະໄດ້ມີການຈັດຊຸດສໍາມະນາຕ່າງໆຢູ່ລາວແລະຈີນ ບໍ່ແມ່ນແຕ່ສໍາລັບຂົງເຂດເສດຖະກິດການຄ້າການລົງທຶນ, ລວມທັງ
ຂົງເຂດວັດທະນະທໍາສັງຄົມກໍສາມາດເຂົ້າຮ່ວມໃນການພັດທະນາຊັບພະຍາກອນມະນຸດ.ຍັງໄດ້ສຸມໃສ່ໃນການແລກປ່ຽນວ່າ, ເຮັດແນວ
ໃດຈະພ້ອມກັນປຶກສາຫາລືສ້າງແຜນການຂອງການຮ່ວມມືລາວ-ຈີນໃນໄລຍະສັ້ນ, ໄລຍະກາງ, ໄລຍະຍາວໂດຍຈະເນັ້ນໃສ່ໄລຍະໃດ
ເປັນຕົ້ນຕໍ."
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ