ທ່ານ​ສີຈິ້ນຜິງພົບ​ປະ​ເຈ​ລະ​ຈາກັບນາ​ຍົກ​ລັດ​ຖະ​ມົນ​ຕີ​ຍິ່​ປຸ່ນ
2017-11-12 10:41:47  cri 
​ວັນ​ທີ 11 ພະ​ຈິກນີ້, ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ພົບ​ປະເຈ​ລະ​ຈາ​ກັບ​ທ່ານ​ຊິນ​ໂຈະ ອາ​ເບະ ນາ​ຍົກ​ລັດ​ຖະ​ມົນ​ຕີ​ຍິ່​ປຸ່ນຢູ່​ເມືອງ​ດ​າ​ນັງ ສ​.ສ​ ຫວຽດ​ນາມ.

ທ່ານ​ສີ​ຈິ້ນ​ຜິງ​ຊີ້​ອອກວ່າ, ຈີນ​ແລະ​ຍິ່​ປຸ່ນ​ແມ່ນ​ປະ​ເທດ​​ໃກ້​ຄຽງ ແລະກໍ​ແມ່ນ​ອົງ​ການ​ເສດ​ຖະ​ກິດ​ຕົ້ນ​ຕໍ​ໃນ​ອາ​ຊີ​ ກໍ​ຄືໃນ​ໂລກ. ​ສາຍ​ພົວ​ພັນ​ລະ​ຫວ່າງ​ຈີນ​ກັບ​ຍິ່​ປຸ່ນ​ຂະ​ຫຍາຍ​ຕົວ​ຢ່າງ​ໝັ້ນ​ທ່ຽງສອດ​ຄ່ອງ​ກັບ​ຜົນ​ປະ​ໂຫຍດ​ຂອງ​​ທັງສອງ​ຝ່າຍ ແລະ​ກໍ​ມີ​ຜົນ​ສະ​ທ້ອນສຳ​ຄັນ​ຕໍ່​ພາກ​ພື້ນ​ ກໍ​ຄື​ຕໍ່ໂລກ. ຂໍ​ກະ​ແຈ​ໃນການ​ປັບ​ປຸງ​ສາຍ​ພົວ​ພັນ​ຈີນ​ຍິ່​ປຸ່ນ​ໃຫ້​ດີກວ່າ​ເກົ່າ ​ແມ່ນ​ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງ​ກັນ​ແລະ​ກັນ, ຫວັງ​ໃຫ້​ຍິ່​ປຸ່ນ​ຈົ່ງ​ມີ​ການ​ກະ​ທຳ​ຕົວ​ຈິງ​ແລະ​ນະ​ໂຍ​ບາຍ​ລະ​ອຽດ​ກວ່າ​ເກົ່າ​ ເພື່ອ​ສະ​ແດງ​ໃຫ້​ເຫັນ​ຄວາມ​ຮັບ​ຮູ້​ຄື​ກັນ​ທາງ​ຍຸດ​ທະ​ສາດລະ​ຫວ່າງ​ຈີນ​ກັບ​ຍິ່​ປຸ່ນ​ທີ່​ຕ່າງ​ເປັນ​ຄູ່​ຮ່ວມ​ມື​ຂອງ​ກັນ​ແລະ​ບໍ່​ເປັນການ​ຂົ່ມ​ຂູ່​ຕໍ່​ກັນ, ຕ້ອງຊຳ​ລະ​ແກ້​ໄຂ​ຄວາມ​ເຫັນ​ຕ່າງ​ກັນ​ລະ​ຫວ່າງ​ສອງ​ປະ​ເທດ​ຢ່າງ​ເໝາະ​ສົມ​ດ້ວຍ​ວິ​ທີ​ລັກ​ສະ​ນະ​ສ້າງ​ສັນ.

ທ່ານ​ຊິນ​ໂຈະ ອາ​ເບະ​ກ່າວ​ວ່າ, ​ຍິ່​ປຸ່ນ​ຍິນ​ດີ​​ຮ່ວມກັບ​ຈີນ​ທຳ​ຄວາມ​ພະ​ຍາ​ຍາມ, ຖື​ປີ​ໜ້າ​ທີ່​ເປັນ​ປີ​ເຊັນ​ສັນ​ຍາສັ​ນ​ຕິ​ພາບ​ແລະ​ມິດ​ຕະ​ພາບ​​ລະ​ຫວ່າງ​ຍິ່​ປຸ່ນ​ກັບ​ຈີນ​ຄົບ​ຮອບ 40 ປີ​ເປັນ​ໂອ​ກາດ, ຊຸກ​ຍູ້​ສາຍນ​ພົວ​ພັນ​ຍຸ​ດ​ທະ​ສາດ​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ລະ​ຫວ່າງ​ສອງ​ປະ​ເທດ​ໃຫ້​ຂະ​ຫຍາຍຕົວຢ່າງ​ຕໍ່​ເນື່ອງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ