ຕາມຂ່າວ CRI: ທ່ານສາທິດ ລິມພົງພັນ ຫົວໜ້າຄະນະກຳມະການຍຸດທະສາດແຫ່ງຊາດໄທກ່າວຢູ່ນະຄອນຫຼວງບາງກອກໃນວັນທີ 13 ພະຈິກນີ້ວ່າ, ອີກ 20 ປີຕໍ່ໜ້າໄທຈະກາຍເປັນປະເທດທີ່ພັດທະນາແລ້ວ.
ທ່ານສາທິດ ກ່າວວ່າ, ຄະນະກຳມະການພິເສດທີ່ຕົນຮັບຜິດຊອບພວມເລັ່ງວາງຍຸດທະສາດພັດທະນາການຍົກສູງກຳລັງແຂ່ງຂັນໄລຍະຍາວຂອງຊາດ, ໂດຍຄາດວ່າໃນ 20 ປີຕໍ່ໜ້າ, ກຳລັງແຂ່ງຂັນຂອງໄທໃນໂລກຈະຢູ່ໃນລະດັບຈາກອັນດັບທີ 27 ຂຶ້ນມາຢູ່ອັນດັບ 20. ລາຍຮັບສະເລ່ຍຕາມຫົວຄົນຈະເພີ່ມຈາກ 6000 ໂດລາໃນປັດຈຸບັນເປັນ 15,000 ໂດລາ, ຄວາມໄວຂອງການເຕີບໂຕເສດຖະກິດຈະເພີ່ມຈາກ 3,8%-4,0% ໃນປັດຈຸບັນເປັນ 5% ຂຶ້ນໄປ.
ທ່ານສາທິດກ່າວຕື່ມວ່າ, ເຖິງວ່າປະເທດໄທຜະເຊີນກັບການທ້າທາຍຢ່າງຫຼວງຫຼາຍ, ແຕ່ການຍົກລະດັບການພັດທະນາດ້ວຍວິທະຍາສາດເຕັກນິກ, ການກໍ່ສ້າງຊັບພະຍາກອນມະນຸດ, ສົ່ງເສີມການປະດິດສ້າງໃໝ່ແລະອື່ນໆ, ໃຫ້ສູງຂຶ້ນຈະສາມາດບັນລຸເປົ້າໝາຍດັ່ງກ່າວຢ່າງແນ່ນອນ.
 |
