ການຍຶດໝັ້ນຫຼັກການ "ປະເທດຈີນດຽວ" ແມ່ນພື້ນຖານການເມືອງແຫ່ງການພັດທະນາສາຍພົວພັນລະຫວ່າງຈີນ-ອາເມລິກາ
2017-11-15 15:05:12 cri
ເມື່ອບໍ່ດົນມານີ້, ທ່ານໂດນັນ ທຣຳ ໄດ້ເດີນທາງຢ້ຽມຢາມຈີນເປັນຄັ້ງທຳອິດ ຫຼັງຂຶ້ນດຳລົງຕຳແໜ່ງປະທານາທິບໍດີອາເມລິກາ ແລະໃນການພົບປະລະຫວ່າງປະມຸກລັດສອງປະເທດ, ທ່ານສີຈິ້ນຜິງ ປະທານປະເທດຈີນ ກ່າວໂດຍຫວັງວ່າ ອາເມລິກາຈະເຄົາລົບຫຼັກການປະເທດຈີນດຽວ ເພື່ອຫຼີກເວັ້ນບໍ່ໃຫ້ສາຍພົວພັນລະຫວ່າງສອງປະເທດສັ່ນຄອນ. ຈາກນີ້, ທ່ານໝ໋າສຽວກ່ວງ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນ ກໍໄດ້ກ່າວໃນພິທີຖະແຫຼງຂ່າວໃນວັນທີ 15 ພະຈິກນີ້ວ່າ: "ການທີ່ຍຶດໝັ້ນຫຼັກການປະເທດຈີນດຽວເປັນການຮັບຮູ້ໂດຍທົ່ວໄປໃນປະຊາຄົມໂລກ, ແມ່ນພື້ນຖານການເມືອງແຫ່ງການພັດທະນາສາຍພົວພັນລະຫວ່າງຈີນ-ອາເມລິກາ ແລະກໍຍິ່ງເປັນພື້ນຖານຂອງການມີສັນຕິພາບ ແລະ ສະຖຽນລະພາບຢູ່ຊ່ອງແຄບໄຕ້ຫວັນ. ແນວໃດກໍດີ, ເມື່ອອາເມລິກາເຄົາລົບຫຼັກການປະເທດຈີນດຽວ ກໍສອດຄ່ອງກັບຜົນປະໂຫຍດຮ່ວມຂອງສອງຝ່າຍຈີນ-ອາເມລິກາເຊັ່ນດຽວກັນ".