ຕາມຂ່າວ CRI: ໃນໄລຍະສະຫາຍ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນຢ້ຽມຢາມ ສປປ ລາວທາງລັດຖະກິດ, ວິທະຍຸສາກົນແຫ່ງປະເທດຈີນຫຼື CRI ໄດ້ແປບົດລາຍງານຂອງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ເປັນພາສາລາວແລະແຈກຢາຍໃຫ້ແກ່ສື່ມວນຊົນແລະບຸກຄົນວົງການຕ່າງໆຂອງສັງຄົມລາວ. ເຊິ່ງໄດ້ກາຍເປັນກະແສຕອບຮັບຢ່າງຫຼວງຫຼາຍໂດຍເຫັນໄດ້ຈາກບຸກຄົນວົງການຕ່າງໆຂອງລາວກ່າວວ່າ, ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ສະບັບພາສາລາວແມ່ນຂໍ້ມູນອັນລ້ຳຄ່າທີ່ສຸດ, ສາມາເຮັດໃຫ້ວົງການຕ່າງໆຂອງລາວເຂົ້າໃຈເນື້ອໃນຈິດໃຈກອງປະຊຸມໃຫຍ່ຢ່າງຮອບດ້ານແລະເປັນລະບົບ.
ທ່ານສູນທອນ ຄັນທະວົງ ອຳນວຍການສຳນັກຂ່າວສານປະເທດລາວກ່າວວ່າ, ໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19, ຕົນສົນໃຈຕໍ່ບົດລາຍງານກອງປະຊຸມໃຫຍ່ດັ່ງກ່າວທີ່ສຸດແລະເຖິງວ່າສື່ມວນຊົນຂະແໜງຕ່າງໄດ້ລາຍງານແລ້ວ, ແຕ່ມີພຽງເລັກໜ້ອຍເທົ່ານັ້ນ. ການທີ່ CRI ແປບົດລາຍງານດັ່ງກ່າວເປັນພາສາລາວຖືວ່າເປັນຂໍ້ມູນອັນລ້ຳຄ່າທີ່ສຸດ, ສາມາເຮັດໃຫ້ວົງການຕ່າງໆຂອງລາວເຂົ້າໃຈເນື້ອໃນຈິດໃຈກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ຢ່າງຮອບດ້ານແລະເປັນລະບົບ.
ທ່ານສິດທິໄຊ ໄຊຍະວົງ, ຫົວໜ້າສູນຄົ້ນຄວ້າປະເທດຈີນຂອງມະຫາວິທະຍາໄລແຫ່ງຊາດລາວກ່າວວ່າ, ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ແມ່ນເນື້ອໃນທີ່ດີເລີດຂອງແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ໂດຍພາຍຫຼັງອ່ານແລ້ວກໍສາມາດເຂົ້າໃຈທິດທາງນະໂຍບາຍຂອງພັກກອມມູນິດຈີນຢ່າງເລິກເຊິ່ງກວ່າເກົ່າ, ໄດ້ບົດຮຽນແຫ່ງຜົນສຳເລັດຂອງພັກກອມມູນິດຈີນ, ແລະສາມາດຊຸກຍູ້ພັດທະນາພາລະກິດສັງຄົມນິຍົມຂອງລາວເອງ.
ພາຍຫຼັງຈັດກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ເປັນຕົ້ນມາ, CRI ໄດ້ເສີມຂະຫຍາຍທ່າແຮງຂອງຕົນ, ດ້ວຍການເຜີຍແຜ່ດ້ວຍພາສາລາວຢູ່ລາວແລະໂຄສະນາການຮ່ວມມື, ໂດຍໄດ້ຮັບຄວາມສົນໃຈສູງຈາກຊາວລາວ. ໃນໄລຍະຈັດກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19, ເພຈແຟຊບຸກ CRI-FM93 ກໍມີເພື່ອນຫຼາຍເຖິງ 1 ລ້ານຄົນ, ເຊິ່ງລື່ນຈຳນວນເພື່ອນໃນສື່ສັງຄົມອອນໄລຂອງສື່ມວນຊົນປະເທດເອີລົບ, ອາເມລິກາແລະຍີ່ປຸ່ນ, ແລະກາຍເປັນສື່ສັງຄົມອອນໄລພາສາລາວທີ່ມີເພື່ອນຫຼາຍກວ່າໝູ່ໃນໂລກ.