ພະແນກຄຸ້ມຄອງການທະນາຄານຮົງກົງຈີນເປີດເຜີຍວ່າ: ພະແນກຕົນໄດ້ແລກປ່ຽນບົດບັນທຶກຄວາມເຂົ້າໃຈກັບອົງການຄຸ້ມຄອງການທະນາຄານສິງກະໂປໃນວັນທີ 15 ພະຈິກນີ້ໂດຍສອງຝ່າຍຈະຮ່ວມມືກັນພັດທະນາ "ເຄືອຂ່າຍເຊື່ອມຈອດການຄ້າທົ່ວໂລກ" ດ້ວຍການນຳໃຊ້ເຕັກນິກບັນຊີແບ່ງປະເພດແບບຈະຈາຍຫຼືDLT ສ້າງພື້ນຖານໂຄງລ່າງຂ້າມຊາດເພື່ອສົ່ງເສີມຂະແໜງການການຄ້າ ແລະການລະດົມທຶນການຄ້າລະຫວ່າງສອງຝ່າຍກໍຄືທົ່ວໂລກຫັນເປັນດີຈີຕອນ.
"ເຄືອຂ່າຍເຊື່ອມຈອດການຄ້າທົ່ວໂລກ"ເປັນໂຄງການຮ່ວມມືຍຸດທະສາດໂຄງການທຳອິດລະຫວ່າງພະແນກຄຸ້ມຄອງການທະນາຄານຮົງກົງແລະອົງການຄຸ້ມຄອງການທະນາຄານສິງກະໂປຫຼັງສອງຝ່າຍໄດ້ເຊັນສັນຍາຮ່ວມມືໃນເດືອນຜ່ານມາ ເຊິ່ງໂຄງການດັ່ງກ່າວຈະນຳໃຊ້ເຕັກນິກDLTສ້າງຊ່ອງທາງແລກປ່ຽນຂໍ້ມູນຂ່າວສານລະຫວ່າງລະບົບເຄືອຂ່າຍການລະດົມທຶນການຄ້າຮົງກົງກັບລະບົບເຄືອຂ່າຍການຄ້າທົ່ວປະເທດສິງກະໂປເພື່ອຫຼຸດຕົ້ນທຶນການຄ້າແລະການລະດົມທຶນການຄ້າຂ້າມຊາດແລະຍົກລະດັບຄວາມປອດໄພແລະປະສິດທິພາບໃຫ້ສູງຂຶ້ນ.
 |
