ຫວ່າງມໍ່ໆມານີ້, ອົງການອາຫານແລະການກະເສດຂອງສະຫະປະຊາຊາດຫຼື FAO ໄດ້ອອກມາເຕືອນວ່າ: ປະລິມານການລະບາຍກາກບອນດີອອກຊິດຂອງຂະແໜງການກະສິກຳໃນອະນາຄົດຈະເພີ່ມຂຶ້ນ ເຊິ່ງຈະສົ່ງຜົນເຮັດໃຫ້ການປ່ຽນແປງຂອງດິນຟ້າອາກາດຮ້າຍແຮງຂຶ້ນຕື່ມອີກ,ແຕ່ຖ້າການຜະລິດ,ຂົນສົ່ງ,ປຸງແຕ່ງແລະບໍລິໂພກອາຫານດ້ວຍວິທີແບບຍືນຍົງແລະດິນຟ້າອາກາດແບບສະມາດພາຍໃນຂອບເຂດທົ່ວໂລກກໍຈະທຸເລົາບັນຫາດັ່ງກ່າວນີ້ໄດ້.
ແຈ້ງການເຕືອນດັ່ງກ່າວໄດ້ອ້າງຕາມຄຳເວົ້າຂອງທ່ານ ໂຈສ໌ ກຣາເຈຍໂນ ດາ ຊິວວາ ຜູ້ອຳນວຍການໃຫຍ່ອົງການດັ່ງກ່າວທີ່ກ່າວໃນຂະນະເຂົ້າຮ່ວມກອງປະຊຸມພາຄີກ່ຽວກັບສັນຍາຂອບການປ່ຽນແປງຂອງດິນຟ້າອາກາດຂອງອົງການສະຫະປະຊາຊາດຄັ້ງທີ 23 ຢູ່ເມືອງບອນປະເທດເຢຍລະມັນວ່າ: ການປ່ຽນແປງຂອງດິນຟ້າອາກາດເຮັດໃຫ້ຫຼາຍຮ້ອຍລ້ານຄົນຕົກຢູ່ໃນສະພາບລຳບາກຢ່າງຮ້າຍແຮງເນື່ອງຈາກປະສົບບັນຫາ:ຄວາມບໍ່ປອດໄພຂອງອາຫານ,ຂາດທາດບຳລຸງແລະຄວາມທຸກຍາກ, "ພວກຂ້າພະເຈົ້າຕ້ອງຜະເຊີນກັບຄວາມຈິງທີ່ທາລຸນແບບນີ້: ພວກເຮົາຍັງເຮັດວຽກການຮັບມືກັບການຂົ່ມຂູ່ທີ່ໃຫຍ່ຫຼວງແບບນີ້ບໍ່ໄດ້ດີເທົ່າທີ່ຄວນ".
ກ່ອນໜ້ານີ້ບໍ່ດົນ,ອົງການ FAO ກໍໄດ້ເປີດເຜີຍວ່າ: 10 ປີຜ່ານມາ, ຄົນທີ່ຂາດທາດບຳລຸງໄດ້ເພີ່ມຂຶ້ນເປັນຄັ້ງທຳອິດ ໂດຍແຕ່ລະມື້ມີ 815 ລ້ານຄົນຢູ່ໃນສະພາບຄວາມອຶດຫິວ.
 |
