ໜັງສືພິມ Oriental Daily News ຂອງມາເລເຊຍລາຍງານໂດຍອ້າງຕາມການເປີດເຜີຍຂອງທ່ານອິສໄມ ຮອງລັດຖະມົນຕີກະຊວງຊັບພະຍາກອນມະນຸດມາເລເຊຍທີ່ກ່າວໃນວັນທີ 15 ພະຈິກນີ້ວ່າ, ລາຍຮັບສະເລ່ຍຂອງຄອບຄົວງຊາວມາເລເຊຍໄດ້ເພີ່ມຂຶ້ນ 6,2% ໃນສອງປີຜ່ານມາ, ແລະມາເລເຊຍກໍບໍ່ປະສົບບັນຫາຈາກການບໍ່ເພີ່ມເງິນເດືອນຂຶ້ນ.
ທ່ານອິສໄມ ກ່າວວ່າ, ລາຍຮັບສະເລ່ຍຂອງຄອບຄົວໃນປະເທດຕົນຢູ່ໃນລະດັບ 6958 ລິງກິດໃນປີ 2016, ເຊິ່ງເພີ່ມຂຶ້ນເມື່ອທຽບໃສ່ລາຍຮັບໃນປີ 2014 ທີ່ມີພຽງແຕ່ 6141 ລິງກິດ. ແນວໃດກໍດີເຖິງວ່າລາຍຮັບສະເລ່ຍຂອງຄອບຄົວໃນປະເທດຕົນໄດ້ເພີ່ມຂຶ້ນກໍຕາມ, ແຕ່ລັດຖະບານຍັງຈະສືບຕໍ່ປະຕິບັດແຜນຕ່າງໆ, ເພື່ອເພີ່ມລາຍຮັບແລະຄວາມສາມາດການແຂ່ງຂັນຂອງປະຊາຊົນ, ລວມທັງແຜນການຍົກລະດັບນັກທຸລະກິດຊາວໜຸ່ມແລະແລະການຍົກລະດັບເຕັກນິກວິຊາຊີບແລະອື່ນໆ. ທ່ານອິສໄມ ກ່າວຕື່ມວ່າ, ລັດຖະບານຍັງຈະສຸມກຳລັງເພື່ອຫຼຸດຄ່າຄອງຊີບເປັນຕົ້ນການຄວບຄຸມລາຄາສິນຄ້າ, ໃຫ້ເງິນອຸດໜູນປະຊາຊົນແລະອື່ນໆ.