ໃນໂອກາດທີ່ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ຢ້ຽມຢາມຟີລິບປິນຢ່າງເປັນທາງການແຕ່ວັນທີ 15 ຫາວັນທີ 16 ພະຈິກນີ້. ແລະກໍແມ່ນໜຶ່ງໃນຜູ້ນຳຈີນຢ້ຽມຢາມຟີລິບປິນເປັນຄັ້ງທຳອິດຫຼັງ 10 ປີ, ບຸກຄົນທີ່ຖືມິດຕະພາບທັງຈີນແລະຟີລິບປິນໄດ້ກ່າວໃນຂະນະທີ່ໃຫ້ສຳພາດຕໍ່ນັກຂ່າວຢູ່ນະຄອນຫຼວງມະນີລາ ໂດຍການສະແດງຄວາມດີອົກດີໃຈຢ່າງຈິງໃຈຕໍ່ການພົວພັນລະຫວ່າງສອງປະເທດໄດ້ກ້າວເຂົ້າສູ່ຍຸກໃໝ່.
ທ່ານ ຄາລອສ໌ ຈັນ ທູດພິເສດດ້ານວຽກງານຈີນຂອງປະທານາທິບໍດີຟີລິບປິນກ່າວຕໍ່ນັກຂ່າວວ່າ: ການພົວພັນທີ່ມີໄມຕີຈິດມິດຕະພາບລະຫວ່າງຟີລິບປິນ-ຈີນທີ່ມີມາແຕ່ດົນນານ ໄດ້ມີພື້ນຖານມາຈາກປະຊາຊົນ,ປະທານາທິບໍດີ ໂຣດຣີໂກ ດູເຕີເຕ ມີຄວາມໃກ້ຊິດແລະໄມຈີຈິດມິດຕະພາບຕໍ່ຈີນ. ຈີນມຸ່ງໜ້າສູ່ເສັ້ນທາງແຫ່ງການພັດທະນາໂດຍສັນຕິ,ລິເລີ່ມ "ໜຶ່ງແລວທາງໜຶ່ງເສັ້ນທາງ", ຊ່ວຍຟີລິບປິນສ້າງພື້ນຖານໂຄງລ່າງ,ເຊິ່ງໄດ້ສ້າງຜົນປະໂຫຍດຢ່າງຫຼວງຫຼາຍຕໍ່ການພັດທະນາສາຍພົວພັນລະຫວ່າງສອງປະເທດ.
ໃນໂອກາດທີ່ປະທານສະຫະພັນວົງການຕ່າງໆຊາວຈີນຢູ່ຟີລິບປິນນຳພາຄະນະຜູ້ແທນຢ້ຽມຢາມຈີນເມື່ອມໍ່ໆນີ້ກໍໄດ້ກ່າວດ້ວຍຄວາມເຊື່ອໝັ້ນວ່າ:ຈາກຄວາມພະຍາຍາມຮ່ວມຂອງຜູ້ນຳແລະປະຊາຊົນສອງປະເທດ,ການພົວພັນລະຫວ່າງສອງປະເທດຍ່ອມຈະດີຂຶ້ນກວ່າເກົ່າ,ຊາວຈີນຢູ່ຟີລິບປິນກໍຈະເສີມຂະຫຍາຍບົດບາດຂອງການເປັນສາຍພານແລະຂົວຕໍ່ຕໍ່ການສ້າງ"ໜຶ່ງແລວທາງໜຶ່ງເສັ້ນທາງ".