ກອງປະຊຸມເວທີປຶກສາຫາລືການເຕີບໂຕລະດັບສູງຍຸດທະສາດ EY 2017 ໄດ້ຈັດຂຶ້ນຢູ່ລັດກາລີຟໍເນຍ ສະຫະລັດອາເມລິກາໃນວັນທີ 17 ພະຈິກນີ້ ແລະໄດ້ຈັດເວທີຍ່ອຍຫົວຂໍ້ກ່ຽວກັບຈີນເປັນຄັ້ງທຳອິດ ເພື່ອສົນໃຈການພັດທະນາຂອງຈີນ.
ເວທີປຶກສາຫາລືການເຕີບໂຕລະດັບສູງຍຸດທະສາດ EY ແມ່ນກອງປະຊຸມປະຈຳປີນັກທະລຸກິດທີ່ມີຊື່ສຽງຂອງອາເມລິກາ, ຂະນະທີ່ກອງປະຊຸມປີນີ້ ໄດ້ມີບຸກຄົນໃນວົງການການເມືອງແລະທຸລະກິດຈາກອາເມລິກາເໜືອແລະແຫ່ງຕ່າງໆທົ່ວໂລກ 2300 ກວ່າຄົນເຂົ້າຮ່ວມ.
ເວທີຍ່ອຍຫົວຂໍ້ກ່ຽວກັບຈີນແມ່ນສູນວັດທະນະທຳອາຊີອາເມລິກາເປັນຜູ້ຈັດ ໂດຍໄດ້ຮັບການມອບສິດເປັນພິເສດຈາກກອງປະຊຸມປະຈຳປີ ເພື່ອແນະນຳສະພາບການຄົ້ນຄວ້າແລະພັດທະນາຂອງຈີນໃນຂົງເຂດການພັດທະນາແລະປະຍຸກໃຊ້ສະຕິປັນຍາທຽມ ຫຼື AI ຕໍ່ບຸກຄົນໃນວົງການທຸລະກິດທົ່ວໂລກ, ແບ່ງປັນໂອກາດການຮ່ວມມືສາກົນຈາກນະໂຍບາຍຂອງຈີນກ່ຽວກັບ "ໜຶ່ງແລວທາງໜຶ່ງເສັ້ນທາງ" ແລະ ການປະດິດສ້າງໃໝ່ດ້ານວິທະຍາສາດເຕັກນິກ, ເພີ່ມທະວີການແລກປ່ຽນຢ່າງເລິກເຊິ່ງລະຫວ່າງວິສາຫະກິດຈີນ-ອາເມລິກາໃນຂົງເຂດຕ່າງໆ ເປັນຕົ້ນ ວິທະຍາສາດ-ເຕັກນິກ, ການເງິນ, ການລົງທຶນ ແລະ ການປິ່ນປົວສຸຂະພາບ.