ຕອນເຊົ້າວັນທີ 18 ພະຈິກນີ້ຕາມເວລາທ້ອງຖິ່ນ, ປະຊາຊົນຊິມບາເວຫຼາຍໝື່ນຄົນໄດ້ແຫ່ຂະບວນຢູ່ນະຄອນຫຼວງຮາຣາຣີ ເພື່ອສະໜັບສະໜູນການເຄື່ອນໄຫວການທະຫານຂອງກອງທັບປະເທດຕົນ ພ້ອມທັງຮຽກຮ້ອງໃຫ້ປະທານາທິບໍດີເກຣັກ ມູກາບີລາອອກຈາກຕຳແໜ່ງໃນທັນທີ.
ໃນຕອນບ່າຍວັນທີ 18 ພະຈິກນີ້ຕາມເວລາທ້ອງຖິ່ນ,ການແຫ່ຂະບວນດັ່ງກ່າວໄດ້ເຮັດໃຫ້ການຄົມມະນາຄົມໃນເມືອງເປັນອຳມະພາດ,ແຕ່ບໍ່ໄດ້ເກີດການປະທະກັນຢ່າງຮຸນແຮງ.
ກ່ອນໜ້ານີ້,ສື່ມວນຊົນທ້ອງຖິ່ນລາຍງານວ່າ: ອົງການລະດັບແຂວງຂອງແນວໂຮມຮັກຊາດ-ສະຫະພັນຊົນຊາດອາຟຣິກາຊິມບາເວທີ່ເປັນພັກກຳອຳນາດໃນ 10 ແຂວງທົ່ວປະເທດກໍໄດ້ອອກຖະແຫຼງການ ໂດຍຮຽກຮ້ອງໃຫ້ທ່ານ ເກຣັກ ມູກາບີ ປະທານທັງເປັນເລຂາທິການຜູ້ທີໜຶ່ງຂອງພັກຕົນ,ປະທານາທິບໍດີຊິມບາເວລາອອກຈາກທຸກຕຳແໜ່ງ.
ຂ່າວລາຍງານຕື່ມວ່າ:ໃນຕອນຂ້ອນແຈ້ງວັນທີ 15 ພະຈິກນີ້, ກອງທັບຊິມບາເວໄດ້ໃຊ້ການເຄື່ອນໄຫວການທະຫານ ແລະສາມາດຄວບຄຸມຂະແໜງຕ່າງໆທີ່ສຳຄັນຂອງລັດຖະບານຢ່າງຮອບດ້ານພ້ອມທັງອອກຖະແຫຼງການໂດຍຜ່ານສະຖານີໂທລະພາບແຫ່ງຊາດ ໂດຍໄດ້ປະຕິເສດກໍ່ລັດຖະປະຫານ,ທັງກ່າວວ່າຈະຮັບປະກັນຄວາມປອດໄພຂອງທ່ານ ເກຣັກ ມູກາບີ ພ້ອມຄອບຄົວຂອງທ່ານ.