ວັນທີ 19 ພະຈິກນີ້ໄດ້ຈັດພິທີເປີດກິດຈະກຳມອບແສງສະຫວ່າງໃນຂອບໜຶ່ງແລວທາງໜຶ່ງເສັ້ນທາງ ຢູ່ໂຮງໝໍປິ່ນປົວຕາທີຊາງ ແຂວງຊາເກງ ປະເທດມຽນມາ ໂດຍໜ່ວຍແພດຈາກໂຮງໝໍປິ່ນປົວຕາໄອ້ເອີຈີນ ຈະຜ່າຕັດໃຫ້ຜູ້ເປັນແກ່ນຕາຂຸ້ນຊາວມຽນມາ 200 ຄົນ ເພື່ອຊ່ວຍພວກເຂົາເຫັນແສງສະຫວ່າງໄດ້ອີກ.
ທ່ານຫວາງຈົ່ງຢິງ ຫົວໜ້າສະຖານກົງສຸນຈີນປະຈຳມັນດາເລ ໄດ້ສະແດງຄວາມຂອບໃຈຕໍ່ໜ່ວຍແພດຈີນທີ່ຊ່ວຍຄົນເຈັບຊາວມຽນມາເຫັນແສງສະຫວ່າງ ໂດຍບໍ່ຮູ້ອິດຮູ້ເໝື່ອຍ ແລະຫວັງວ່າບັນດາພະນັກງານແພດຈະສືບຕໍ່ພະຍາຍາມເພື່ອຊຸກຍູ້ການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃຫ້ໄດ້ຮັບໝາກຜົນຫຼາຍຍິ່ງຂຶ້ນ.
ຂ່າວແຈ້ງຕື່ມວ່າ: ກິດຈະກຳເພື່ອການກຸສົນດັ່ງກ່າວຍັງຈະດຳເນີນຢູ່ຫຼາຍປະເທດໃນອາຊີຕາເວັນອອກສຽງໃຕ້ ເຊັ່ນ ຟິລິບປິນ, ກຳປູເຈຍ ແລະ ມາເລເຊຍ ແລະໃນອະນາຄົດຍັງຈະໄປດຳເນີນຢູ່ເອີຣົບ ເປັນຕົ້ນ ເຊິ່ງຈະກວມເອົາປະເທດທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ" ເພື່ອເຊື່ອມສານສາຍພົວພັນມິດໄມຕີລະຫວ່າງປະຊາຊົນ.