ດ້ວຍຄວາມຢາກຮູ້ຢາກເຫັນສີມືຕັດເຈ້ຍຂອງແມ່ເຖົ້າໃນຍາມເດັກ, ນາງສີຊິ້ວຟ່າງ ຊາວເມືອງກາວມີ້ ແຂວງຊ່ານຕົ່ງ ຈຶ່ງໄດ້ຮ່ວມກັບຍາດພີ່ນ້ອງຕັດເຈ້ຍສິລະປະທີ່ເຕັມໄປດ້ວຍບັນຍາກາດໃນການດຳລັງຊີວິດປະຈຳວັນຂອງຄອບຄົວຊາວນາ ເປັນຕົ້ນ ດອກໄມ້, ນົກ, ແມງໄມ້, ປາ ຫຼື ຄົນແລະພາບຕ່າງໆ ໃນນິທານພື້ນເມືອງ ເຫຼົ່ານີ້ເປັນຕົ້ນ. ສີມືຕັດເຈ້ຍຂອງເພິ່ນໄດ້ຮັບຄວາມນິຍົມຊົມຊອບຈາກຊາວບ້ານໃກ້ຄຽງ ແລະຕໍ່ມາຈາກການໄດ້ຮັບການແນະນຳຈາກຜູ້ມີສີມືຕັດເຈ້ຍເກັ່ງຢູ່ທ້ອງຖິ່ນ ຈຶ່ງເຮັດໃຫ້ສີມືຂອງເພິ່ນເກັ່ງຂຶ້ນກວ່າເກົ່າ ຈົນສາມາດນຳເອົາຜົນງານການຕັດເຈ້ຍໄປຂາຍຢູ່ຕ່າງປະເທດ. ສູ່ມື້ນີ້, ນາງ ສີຊິ້ວຟ່າງ ກາຍເປັນຊ່າງຕັດເຈ້ຍສິລະປະທີ່ມີຊື່ສຽງໂດ່ງດັງຢູ່ທ້ອງຖິ່ນນັ້ນ ໂດຍຜົນງານຕັດເຈ້ຍແລະດ້ວຍການຂອບທີ່ງົດງາມຂອງເພິ່ນສາມາດຂາຍໄດ້ໃນລາຄາສະເລ່ຍ 500 ຢວນຕໍ່ໜຶ່ງແຜ່ນ ແລະສາມາດສ້າງລາຍໄດ້ປະມານ 90.000 ຢວນຕໍ່ປີ.