ທ່ານ ເຫວີຍຈິ້ນໂຖ ຮອງຫົວໜ້າພະແນກຊັບພະຍາກອນມະນຸດແລະປະກັນສັງຄົມ ເມືອງຝາງເສິງກາງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ ໄດ້ກ່າວໃນພິທີຖະແຫຼງຂ່າວສະແດງຜົນງານຂອງຈຸດທົດລອງການຮ່ວມມືແຮງງານຂ້າມຊາຍແດນ ໃນວັນທີ 20 ພະຈິກນີ້ວ່າ: ໃນຊຸມປີຜ່ານມາ, ຄຽງຄູ່ກັບເສດຖະກິດເຂດຊາຍແດນໄດ້ພັດທະນາຢ່າງວ່ອງໄວ, ເມືອງຕົນກໍຕ້ອງການແຮງງານເພີ່ມຂຶ້ນຢ່າງວ່ອງໄວເຊັ່ນດຽວກັນ. ຂະນະທີ່ຫວຽດນາມກໍມີແຮງງານຢ່າງຫຼວງຫຼາຍ ແລະ ລັດຖະບານຫວຽດນາມກໍສົ່ງເສີມການສົ່ງແຮງງານໄປເຮັດວຽກຢູ່ຕ່າງປະເທດ. ຈາກນີ້, ວຽກງານທົດລອງການຮ່ວມມືແຮງງານຂ້າມຊາຍແດນຈຶ່ງສາມາດແກ້ໄຂບັນຫາການໃຊ້ແຮງງານຢູ່ເຂດຊາຍແດນສອງປະເທດ ແລະຫຼຸດບັນຫາການໃຊ້ແຮງງານຜິດກົດໝາຍໜ້ອຍລົງ ທັງສາມາດຮັກສາຄວາມເປັນລະບຽບຮຽບຮ້ອຍຢູ່ເຂດຊາຍແດນຢ່າງມີປະສິດທິຜົນ ເຮັດໃຫ້ຝ່າຍຕ່າງໆ ຄື ແຮງງານຂ້າມແດນເຮັດວຽກ, ວິສາຫະກິດ ແລະ ອົງການປົກຄອງທ້ອງຖິ່ນ ຕ່າງກໍໄດ້ຮັບຜົນປະໂຫຍດຮ່ວມກັນ.
ຂ່າວລາຍງານຕື່ມວ່າ: ມາຮອດເດືອນຕຸລາຜ່ານມາ, ເມືອງຝາງເສິງກາງ ໄດ້ອະນຸມັດໃຫ້ 29 ວິສາຫະກິດນຳໃຊ້ແຮງງານຕ່າງປະເທດ ເຊິ່ງມີເຖິງ 6.710 ຄົນ.
