ທ່ານເຢມິນອອງ ເລຂາທິການໃຫຍ່ສະມາຄົມເຂົ້າສານມຽນມາເປີດເຜີຍໃນຫວ່າງມໍ່ໆນີ້ວ່າ, ເຖິງວ່າສົກປີ 2017-2018 ຍັງບໍ່ທັນໝົດກໍຕາມ, ແຕ່ວ່າມາຮອດອາທິດທີສອງຂອງເດືອນພະຈິກນີ້, ໝາຍວ່າໃນ 8 ເດືອນຜ່ານມາ, ປະເທດຕົນສາມາດສົ່ງອອກເຂົ້າສານໄດ້ປະມານ 2 ລ້ານໂຕນ, ເຊິ່ງເປັນສະຖິຕິສູງສຸດໃນ 50 ປີຜ່ານມາ.
ທ່ານເຢມິນອອງ ກ່າວຕື່ມວ່າ, ໃນໄລຍະດຽວກັນຂອງປີຜ່ານມາ, ປະເທດຕົນສົ່ງອອກເຂົ້າສານໄດ້ປະມານ 5 ແສນ 6 ໝື່ນໂຕນ. ແນວໃດກໍດີໃນສົກປີ 2014-2015, ປະເທດຕົນສົ່ງອອກເຂົ້າສານໄດ້ 1 ລ້ານ 8 ແສນໂຕນ, ເຊິ່ງຖືວ່າເປັນສະຖິຕິໃໝ່ແລ້ວ, ຂະນະທີ່ສົກ 2015-2016, ບັນລຸການສົ່ງອອກ 1 ລ້ານ 4 ແສນໂຕນ, ແລະສົກປີ 2016-2017 ບັນລຸສົ່ງອອກເຖິງ 1 ລ້ານ 7 ແສນໂຕນ.