ວັນທີ 21 ພະຈິກນີ້, ທ່ານ ບັງດາເລັຟ ປະທານກຳມາທິການປ້ອງກັນປະເທດແລະຄວາມໝັ້ນຄົງສະພາສະຫະພັນຣັດເຊຍ ກ່າວວ່າ, ແຜນການກຳລັງຮົບຣັດເຊຍປີ 2018-2025 ຈະໃຊ້ງົບປະມານ 320 ຕື້ໂດລາ ເພື່ອພັດທະນາອາວຸດໂຈມຕີທີ່ແນ່ນອນສູງແລະກຳລັງນິວເຄລຍຍຸດທະສາດໃນອະນາຄົດ.
ຂ່າວສານຕັສລາຍງານວ່າ, ທ່ານ ບັງດາເລັຟ ກ່າວໃນງານຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ, ແຜນການກຳລັງຮົບແຫ່ງຊາດປີ 2018-2025 ໄດ້ຮ່າງສຳເລັດໂດຍພື້ນຖານ. ອີງຕາມການຊີ້ນຳຂອງທ່ານປະທານາທິບໍດີ ປູຕິນ, ແຜນການດັ່ງກ່າວມີຫຼັກການປັບປຸງລະບົບເຕັກນິກ, ຊຸກຍູ້ການປະດິດສ້າງໃໝ່, ຊຸກຍູ້ການຄົ້ນຄວ້າຍຸດໂທປະກອນໃໝ່, ຮັບປະກັນການຜະລິດຍຸດໂທປະກອນທີ່ເປັນລະບົບ ແລະ ເຜີຍແຜ່ອາວຸດທີ່ພັດທະນາແລ້ວແລະມີປະສິດທິພາບສູງ.
ໃນໂອກາດກ່າວເຖິງທິດທາງພັດທະນາຍຸດໂທປະກອນໃນອະນາຄົດ, ທ່ານ ບັງດາເລັຟ ກ່າວວ່າ, ຈະເລັງໃສ່ອາວຸດທີ່ແນ່ນອນສູງແລະກຳລັງນິວເຄລຍຍຸດທະສາດ, ພິຈາລະນາເຖິງການປ່ຽນແປງໃນດ້ານຍຸດທະສາດແລະຍຸດທະວິທີໃນສົງຄາມອະນາຄົດໃນຂະບວນການພັດທະນາອາວຸດຍຸດໂທປະກອນທີ່ກ້າວໜ້າ ແລະຍຸດໂທປະກອນພິເສດ.