ໜັງສືພິມສະຕາຂອງຟິລິບປິນສະບັບວັນທີ 21 ພະຈິກນີ້ລາຍງານວ່າ, ທ່ານ ຮາຣີ ໂຣເກີ ໂຄສົກປະທານາທິບໍດີຟິລິບປິນກ່າວໃນວັນທີ 20 ພະຈິກນີ້ວ່າ, ທ່ານ ດູເຕີເຕ ປະທານາທິບໍດີ ໄດ້ຕົກລົງທັບມ້າງການຜູກຂາດຂະແໜງການໂທລະຄົມ ແລະສະໜອງສິດທຸລະກິດໂທລະຄົມແຫ່ງທີສາມໃຫ້ບໍລິສັດຈີນ.
ທ່ານ ໂຣເກີ ກ່າວວ່າ, ການທັບມ້າງການຜູກຂາດດ້ານໂທະລະຄົມແມ່ນເລື່ອງທີ່ມີຜົນດີຕໍ່ປະຊາຊົນ ແລະ ການທີ່ປະທານາທິບໍດີເລືອກປະເທດຈີນນັ້ນ ເນື່ອງຈາກວ່າບໍລິສັດຈີນມີເງິນທຶນແລະເຕັກນິກ, ສາມາດໃຫ້ການບໍລິການທີ່ມີປະສິດທິພາບສູງ. ຂະນະດຽວກັນ, ປະເທດຕົນກຳລັງສ້າງສາຍພົວພັນມິດຕະພາບກັບຈີນຄືນໃໝ່, ສະນັ້ນ ການເລືອກບໍລິສັດຈີນຈະມີທ່າແຮງດ້ານເສດຖະກິດຫຼາຍກວ່າ.
ຂ່າວແຈ້ງວ່າ, ທົ່ວໂລກ ຄວາມໄວຂອງເຄືອຂ່າຍໂທລະຄົມເຄື່ອນທີ່ແລະຄົງທີ່ຂອງຟິລິບປິນ ຫຼ້າຫຼັງກວ່າ ທັງຫຼ້າຫຼັງກວ່າຫຼາຍປະເທດອ້ອມຂ້າງຢູ່ອາຊີຕາເວັນອອກສຽງໃຕ້ ເຊິ່ງພາໃຫ້ປະຊາຊົນບໍ່ພໍໃຈ. "ດ້ວຍເຫດນີ້, ທ່ານດູເຕີເຕຈຶ່ງໄດ້ຕັດສິນໃຈທັບມ້າງການຜູກຂາດດ້ານໂທລະຄົມ ແລະຮຽກຮ້ອງໃຫ້ຫ້ອງການປະທານາທິບໍດີແກ້ໄຂຄຳຮ້ອງຂໍກ່ຽວກັບບໍລິສັດໂທລະຄົມແຫ່ງທີສາມພາຍໃນ 45 ມື້." ທ່ານ ໂຣເກີກ່າວ.