ກອງປະຊຸມແລກປ່ຽນການຮ່ວມມືເສດຖະກິດການຄ້າເສສວນຈີນ-ຟິລິບປິນ ໄດ້ຈັດຂຶ້ນຢູ່ສຳນັກງານສະຫະພັນນັກທຸລະກິດຈີນປະຈຳຟິລິບປິນ ນະຄອນຫຼວງມະນີລາ ໃນຕອນບ່າຍວັນທີ 22 ພະຈິກນີ້. ຂະນະທີ່ທ່ານຄາຣີໂຕ ຫົວໜ້າອົງການເຂດເສດຖະກິດພິເສດຟິລິບປິນ ກ່າວວ່າ: ຍິນດີຕ້ອນຮັບວິສາຫະກິດຈີນມາທັດສະນະສຶກສາ ແລະ ລົງທຶນຢູ່ປະເທດຕົນຫຼາຍຂຶ້ນຕື່ມ. ປັດຈຸບັນ, ວິສາຫະກິດຈີນທີ່ເຂົ້າປະຈຳເຂດເສດຖະກິດພິເສດຕ່າງໆຂອງປະເທດຕົນນັ້ນມີເຖິງ 109 ແຫ່ງແລ້ວ ໂດຍຕົ້ນຕໍໄດ້ລົງທຶນໃນຂະແໜງການເອເລັກໂຕຣນິກ, ການຜະລິດກົນຈັກ, ການປຸງແຕ່ງໂລຫະ, ອຸດສາຫະກຳເຄມີ, ຢາງພາລາ, ການຜະລິດເຄື່ອງນຸ່ງ, ເຕັກນິກຂໍ້ມູນຂ່າວສານ, ການຈໍລະຈອນສິນຄ້າ, ອະສັງຫາລິມະຊັບ ແລະອື່ນໆ.
ທ່ານຄາຣີໂຕ ກ່າວຕື່ມວ່າ: ນັກລົງທຶນຕ່າງປະເທດທີ່ຮ້ອງຂໍສ້າງຕັ້ງວິສາຫະກິດຢູ່ເຂດເສດຖະກິດພິເສດປະເທດຕົນນັ້ນ ຈະໄດ້ຮັບການປະຕິບັດເທົ່າທຽມກັບວິສາຫະກິດພາຍໃນປະເທດ. ຂະນະທີ່ທະນາຄານໂລກກໍໄດ້ຢືນຢັນວ່າຮູບແບບ "ເຂດເສດຖະກິດພິເສດຟິລິບປິນ" ມີປະສິດທິພາບສູງ.
