ເມື່ອເບິ່ງລົງຈາກມຸມສູງ ຈະເຫັນເດີ່ນເຕະບານນ້ອຍສີຂຽວຮູບ T ຂອງໂຮງຮຽນຢູ່ໃນກຸ່ມຕຶກອາຄານສີຂີ້ເທົ່າເປັນແຖວໆ ເຊິ່ງນີ້ກໍຄື "ເດີ່ນເຕະບານມິນິກາງຫາວ" ຂອງໂຮງຮຽນປະຖົມທີ່ຂຶ້ນກັບມະຫາວິທະຍາໄລສ້າງຄູໜານຊ່າງ ນະຄອນໜານຊ່າງ ເທດສະບານແຂວງຈ່ຽງຊີ່. ເດີ່ນເຕະບານນ້ອຍແຫ່ງນີ້ມີຂະໜາດປະມານ 10 X 20 ແມັດ, ສ້າງຂຶ້ນຢູ່ເທິງຕຶກຫ້ອງການສຶກສາ 5 ຊັ້ນ ໂດຍມີຮາວເຫຼັກແລະຕາໜ່າງເຊືອກອ້ອມ, ເນື້ອທີ່ລວມທັງເດີ່ນແລະເຂດພັກຜ່ອນໜ້ອຍກວ່າ 300 ຕາແມັດ ແລະເຖິງວ່າ "ເດີ່ນເຕະບານມິນິກາງຫາວ" ທີ່ໃຫຍ່ກວ່າເຮືອນທຳມະດາບໍ່ເທົ່າໃດນີ້ ພັດເປັນບ່ອນຫຼິ້ນບານແລະສ້າງຄວາມເບີກບານມ່ວນຊື່ນໃຫ້ແກ່ບັນດາເດັກໆ.