ວັນທີ 22 ພະຈິກນີ້, ທ່ານວຼາລາດິເມຍ ປູຕິນ, ປະທານາທິບໍດີຣັດເຊຍ, ທ່ານເລເຊບ ທາຢິບ ເອໂດກັນ, ປະທານາທິບໍດີຕວກກີແລະທ່ານ ຮັດຊັນ ຣຸຮານີ, ປະທານາທິບໍດີອີຣານໄດ້ພົບປະເຈລະຈາກັນຢູ່ນະຄອນໂຊຊີພາກໃຕ້ຣັດເຊຍໂດຍສາມຝ່າຍໄດ້ແລກປ່ຽນຄວາມເຫັນກ່ຽວກັບຄວາມຄືບໜ້າຫຼ້າສຸດ, ທາງອອກແລະບັນຫາຕ່າງໆກ່ຽວກັບຊີຣີແລະໄດ້ລົງນາມໃນຖະແຫຼງການຮ່ວມ.
ຖະແຫຼງການຮ່ວມລະບຸວ່າ, ການບັນລຸການແກ້ໄຂບັນຫາຊີຣີທາງການເມືອງຕ້ອງປະຕິບັດຕາມເງື່ອນໄຂຕ່າງໆ, ເຊັ່ນ: ການສ້າງຕັ້ງຂະບວນການການເມືອງຢ່າງກວມລວມ, ເສລີພາບ, ສະເໝີພາບ, ປອດໃສແລະປະຊາຊົນຊີຣີນຳພາ, ການເລືອກຕັ້ງຢ່າງເສລີແລະຍຸຕິທຳເຊິ່ງທັງຣັດເຊຍ, ຕວກກີແລະອີຣານຈະໃຫ້ຊ່ວຍເຫຼືອເພື່ອບັນລຸເປົ້າໝາຍດັ່ງກ່າວ.
ວັນທີ 22 ພະຈິກນີ້, ກະຊວງການຕ່າງປະເທດຂອງຊີຣີກ່າວວ່າຖະແຫຼງການຮ່ວມສະບັບນີ້, ແມ່ນອ້າງຂຶ້ນສະໜັບສະໜູນບົນພື້ນຖານເຄົາລົບອະທິປະໄຕ, ເອກະລາດແລະຜືນແຜ່ນດິນທີ່ຄົບຖ້ວນຂອງຊີຣີ, ເປັນການສະໜັບສະໜູນທຸກຄວາມພະຍາຍາມທາງການເມືອງເພື່ອປະກອບສ່ວນຢຸດການປະທະກັນທີ່ນອງເລືອດຢູ່ຊີຣີເຊິ່ງລັດຖະບານຊີຣີຍິນແລະເຫັນພ້ອມຕໍ່ຖະແຫຼງການຮ່ວມດັ່ງກ່າວ.
 |
