ວັນທີ 22 ພະຈິກນີ້, ທ່ານບິນາລີ ຢິນດິຣີມ ນາຍົກລັດຖະມົນຕີຕວກກີກ່າວວ່າ, ຂໍ້ລິເລີ່ມ"ໜຶ່ງແລວທາງໜຶ່ງເສັ້ນທາງ"ແມ່ນໂຕແບບທີ່ດີໃນການເຮັດໃຫ້ການຕິດຕໍ່ພົວພັນການຄ້າໃກ້ຊິດກວ່າເກົ່າ. ເຊິ່ງເຮັດໃຫ້ທະວີບອາຊີເປັນສູນກາງການພົວພັນເສດຖະກິດການຄ້າໃນໂລກອີກເທື່ອໃໝ່.
ທ່ານບິນາລີ ຢິນດີຣີມກ່າວໃນໂອກາດເຂົ້າຮ່ວມກອງປະຊຸມຄົບຄະນະຄັ້ງທີ 10 ຂອງໃຫຍ່ສະພາແຫ່ງຊາດທະວີບອາຊີທີ່ຈັດຂຶ້ນຢູ່ເມືອງອິສຕານບູນປະເທດຕວກກີໃນວັ່ນດັ່ງກ່າວ. ນອກນີ້, ທ່ານຍັງກ່າວອີກວ່າ, ຕວກກີໄດ້ເອົາໃຈໃສ່ສູງຕໍ່ໂຄງການແລະຂໍ້ລິເລີ່ມທັງໝົດທີ່ມີການຊ່ວຍເຫຼືອຕໍ່ການຟື້ນຟູຄວາມຈະເລີນຂອງເສັ້ນທາງສາຍໄໝ, ສັນຕິພາບຂອງພາກພື້ນແລະທົ່ວໂລກ.
ຂະນະດຽວກັນ, ທ່ານກໍໄດ້ຮຽກຮ້ອງໃຫ້ປະເທດສະມາຊິກຕ່າງໆເພີ່ມທະວີການຮ່ວມມື, ເພື່ອພັດທະນາໂຄງການຮ່ວມໃນພາກພື້ນນີ້ໃຫ້ຫຼາຍກວ່າເກົ່າ, ສ້າງສະຫະພັນການຄ້າຢ່າງໃກ້ຊິດ. ໂດຍສະເພາະການສ້າງທາງລົດໄຟ, ທາງຫຼວງແລະພື້ນຖານໂຄງລ່າງອື່ນໆ.
