ລັດຖະບານສີລັງກາໄດ້ຈັດພິທີຮັບເຂົ້າສານ 1000 ໂຕນທີ່ໄດ້ຮັບການຊ່ວຍເຫຼືອຈາກຈີນ ຢູ່ນະຄອນຫຼວງໂກລົມໂບໃນວັນທີ 22 ພະຈິກນີ້. ໂດຍທ່ານອານຸຣະ ຢາປາ ລັດຖະມົນຕີກະຊວງຄຸ້ມຄອງໄພພິບັດສີລັງກາແລະທ່ານຢີ້ຊ່ຽນຫຼຽງ ເອກອັກຄະລັດຖະທູດຈີນປະຈຳສີລັງກາ ເຂົ້າຮ່ວມ.
ກ່ອນໜ້ານີ້ຈີນໄດ້ໃຫ້ຄຳໝັ້ນສັນຍາຈະສະນອງເຂົ້າສານ 2700 ໂຕນຊ່ວຍສີລັງກາໂດຍແບ່ງເປັນ 3 ງວດ. ແລະສ່ວນທີ່ເຫຼືອນັ້ນຈີນຈະສົ່ງມອບໃຫ້ສີລັງກາຕາມກຳນົດ.
ອົງການສະຫະປະຊາຊາດເປີດເຜີຍວ່າ, ເນື່ອງຈາກໄດ້ຮັບຜົນກະທົບຈາກໄພນ້ຳຖ້ວມໃນປີນີ້, ຜົນຜະລິດເຂົ້າຂອງສີລັງກາຈະຢູ່ໃນລະດັບຕ່ຳສຸດໃນ 10 ປີຜ່ານມາ, ຂະນະທີ່3 ແສນຄອບຄົວຂອງປະເທດດັ່ງກ່າວຈະຂາດເຂົ້າກິນ.