ໃນວັນທີ 22 ພະຈິກນີ້, ສາຍການບິນສາກົນຈາກເມືອງເຈິ້ງໂຈ່ວແຂວງເຮີນານຈີນ ໂດຍຜ່ານເມືອງເປີຍໄຫເຂດປົກຄອງຕົນເອງເຜົ່າຈ້ວາງກວາງຊີຈີນຫາດານັງຫວຽດນາມ ໄດ້ເປີດບໍລິການແລ້ວ ແລະຖືວ່ານີ້ຄືເປັນສາຍການບິນໂດຍສານທີ່ເຊື່ອມຕໍ່ລະຫວ່າງເຂດແຂວງທີ່ບໍ່ມີທາງອອກສູ່ທະເລ ກັບທ່າເຮືອພາກໃຕ້ຈີນ ແລະປະເທດຫວຽດນາມ.
ສາຍການບິນນີ້ຂຶ້ນກັບບໍລິສັດການບິນພາກໃຕ້ຈີນທີ່ເປີດຢູ່ເມືອງເຈິ້ງໂຈ່ວ ໂດຍມີຖ້ຽວບິນໃນວັນຈັນ, ວັນພຸດ ແລະວັນສຸກແຕ່ລະອາທິດ.
ທ່ານຫຼີສຽວເຟິ່ງ ຮອງຜູ້ອຳນວຍການບໍລິສັດການບິນພາກໃຕ້ຈີນສາຂາແຂວງເຮີນານກ່າວວ່າ: ເມືອງເຈິ້ງໂຈ່ວແມ່ນເຂດສຳຄັນຂອງເສັ້ນທາງສາຍໄໝທາງອາກາດຍຸກປັດຈຸບັນ ແລະເມືອງເປີຍໄຫກໍແມ່ນທ່າເຮືອເລີ່ມຕົ້ນຂອງເສັ້ນທາງສາຍໄໝທາງທະເລໃນສະໄໝບູຮານຈີນ. ສະນັ້ນ, ການເປີດບໍລິການສາຍການບິນນີ້ກໍເພື່ອເຊື່ອມເສັ້ນທາງສາຍໄໝທາງອາກາດ ແລະເສັ້ນທາງສາຍໄໝທາງທະເລເຂົ້າກັນ.
 |
