ກະຊວງການຄ້າໄທເປີດເຜີຍມູນຄ່າການສົ່ງອອກໃນເດືອນຕຸລາປີນີ້ເພີ່ມຂຶ້ນຢ່າງຈະແຈ້ງ ເຊິ່ງບັນລຸເຖິງ 20 ຕື້ 83 ລ້ານໂດລາສະຫະລັດ ເພີ່ມຂຶ້ນ 13,1% ເມື່ອທຽບໃສ່ໄລຍະດຽວກັນຂອງປີຜ່ານມາແລະເປັນຈັງຫວະການເຕີບໂຕທີ່ສູງສຸດສຳລັບເດືອນດຽວໃນ 6 ປີຜ່ານມາ.
ທັງນີ້ການສົ່ງອອກຂອງໄທບັນລຸການເຕີບໂຕເຖິງ 8 ເດືອນຕິດຕໍ່ກັນແລະໂດຍລວມແລ້ວໃນ 10 ເດືອນຂອງປີນີ້,ໄທບັນລຸມູນຄ່າການສົ່ງອອກເຖິງ 195 ຕື້ 500 ລ້ານໂດລາສະຫະລັດ ເພີ່ມຂຶ້ນ 9,65% ເມື່ອທຽບໃສ່ໄລຍະດຽວກັນຂອງປີຜ່ານມາແລະໄດ້ດຸນການຄ້າຫຼາຍກວ່າ 12 ຕື້ 400 ລ້ານໂດລາສະຫະລັດ.
ເຈົ້າໜ້າທີ່ກະຊວງການຄ້າໄທເຫັນວ່າ: ການຟື້ນຕົວຂອງເສດຖະກິດໂລກແມ່ນປັດໄຈສຳຄັນໃນການຊຸກຍູ້ການສົ່ງອອກຂອງໄທເພີ່ມຂຶ້ນຢ່າງຕໍ່ເນື່ອງ ແລະຈາກນີ້ຈຶ່ງຄາດວ່າການສົ່ງອອກໝົດປີນີ້ຈະບັນລຸການເຕີບໂຕແຕ່ 9% ຫາ 10%.
 |
