ວັນທີ 22 ພະຈິກນີ້ ຢູ່ສະໜາມບິນສາກົນສຸວັນນະພູມນະຄອນຫຼວງບາງກອກ, ຕຳຫຼວດໄທໄດ້ຈັບຜູ້ຕ້ອງສົງໄສເປັນເພດຍິງທີ່ມີສ່ວນພົວພັນໃນຄະດີລະເບີດແຍກລາຊະປະສົງໃນປີ 2015.
ຜູ້ຕ້ອງສົງໄສຊື່ນາງ ວັນນາ ສວນສັນ ຂະນະທີ່ທ່ານ ສີວະຣາ ຣັນສີບະ ຣາມານາກຸນ ຮອງຫົວໜ້າກົມຕຳຫຼວດໄທກ່າວຢູ່ສະໜາມບິນວ່າ: ຫວ່າງມໍ່ໆມານີ້,ຕຳຫຼວດໄດ້ຮັບການແຈ້ງຂ່າວວ່າ:ຍິງຄົນນີ້ຈະເດີນທາງກັບຄືນປະເທດ ຈຶ່ງໄດ້ວາງແຜນການຈັບກຸມ.
ສື່ມວນຊົນໄທລາຍງານວ່າ: ນາງ ວັນນາ ສວນສັນ ໄດ້ກ່າວວ່າ: ຕົນເປັນຜູ້ຕ້ອງສົງໄສຕາມໝາຍຈັບຂອງຕຳຫຼວດ,ແຕ່ປະຕິເສດໃຫ້ສຳພາດຕໍ່ນັກຂ່າວ. ນາງ ວັນນາ ເປັນຜູ້ຕ້ອງສົງໄສຜູ້ທີ 3 ທີ່ຖືກຈັບໃນຄະດີດັ່ງກ່າວ,ປັດຈຸບັນຍັງມີຜູ້ຕ້ອງສົງໄສອີກ 14 ຄົນໂຕນໜີຢູ່.