ຜູ້ອຳນວຍການທະນາຄານພັດທະນາຊົນນະບົດກຳປູເຈຍເປີດເຜີຍໃນວັນທີ 25 ພະຈິກນີ້ວ່າ, ການເກັບກ່ຽວ "ເຂົ້າຫອມດອກຊ້ອນ" ຂອງປະເທດຕົນໃນປີນີ້ໄດ້ສຳເລັດແລ້ວປະມານ 70%, ແລະລາຄາ "ເຂົ້າຫອມດອກຊ້ອນ" ແພງຂຶ້ນປະມານ 12% ຕໍ່ກິໂລກະລາມເມື່ອທຽບໃສ່ໄລຍະດຽວກັນອຂງປີຜ່ານມາ. ນອກຈາກ "ເຂົ້າຫອມດອກຊ້ອນ" ແລ້ວ, ເຂົ້າຫອມແລະເຂົ້າສານຊະນິດອື່ນໆຂອງປະເທດຕົນລ້ວນແຕ່ໄດ້ຜົນຜະລິດສູງສົມຄວນ, ແລະລາຄາກໍໝັ້ນທ່ຽງ.
ກະຊວງການຄ້າຂາເຂົ້າຂາອອກກຳປູເຈຍເປີດເຜີຍວ່າ, ໃນເດືອນກັນຍາປີນີ້, ການສົ່ງອອກເຂົ້າສານຂອງປະເທດຕົນໄດ້ເພີ່ມຂຶ້ນ 16,7% ເມື່ອທຽບໃສ່ໄລຍະດຽວກັນຂອງປີຜ່ານມາ, ໃນນັ້ນພຽງແຕ່ຈີນປະເທດດຽວກໍໄດ້ນຳເຂົ້າເຂົ້າສານຈາກປະເທດຕົນ 1 ແສນ 2 ໝື່ນໂຕນ. ກ່ອນໜ້ານີ້, ລັດຖະບານຈີນໄດ້ອະນຸຍາດໃຫ້ບໍລິສັດສົ່ງອອກເຂົ້າສານກຳປູເຈຍ 27 ແຫ່ງສາມາດສົ່ງອອກເຂົ້າສານໄປໃຫ້ຈີນໂດຍກົງ.
ເຈົ້າໜ້າທີ່ລັດຖະບານກຳປູເຈຍເຄີຍກ່າວວ່າ, ຈີນແມ່ນຕະຫຼາດໃຫຍ່ທີ່ສຸດຂອງເຂົ້າສານປະເທດຕົນ, ໂກຕາການນຳເຂົ້າເຂົ້າສານຈາກປະເທດຕົນຈະເພີ່ມຈາກ 2 ແສນໂຕນໃນປີນີ້ຂຶ້ນເປັນ 3 ແສນໂຕນໃນປີ 2018.