ການສຳມະນານະໂຍບາຍ "ໜຶ່ງແລວທາງໜຶ່ງເສັ້ນທາງ" ໄດ້ຈັດຂຶ້ນຢູ່ສູນປະຊຸມອົງການສະຫະປະຊາຊາດນະຄອນຫຼວງບາງກອກປະເທດໄທ. ຜູ້ຮ່ວມປະຊຸມໄດ້ປຶກສາຫາລືກັນຢ່າງເລິກເຊິ່ງກ່ຽວກັບການນຳໃຊ້ເວທີກຳມາທິການເສດຖະກິດສັງຄົມອາຊີປາຊິຟິກຫຼື ESCAP ຂອງອົງການຫະປະຊາຊາດເພື່ອຊຸກຍູ້ການເຊື່ອມຈອດຍຸດທະສາດການພັດທະນາ, ຊຸກຍູ້ໂຄງການຕ່າງໆໃນຂອບ "ໜຶ່ງແລວທາງໜຶ່ງເສັ້ນທາງ" ໃຫ້ໄດ້ຮັບການປະຕິບັດຕົວຈິງຫຼາຍຍິ່ງຂຶ້ນ, ແລະບັນລຸໃຫ້ພາກພື້ນພັດທະນາແບບຍືນຍົງແລະກວມລວມ.
ທ່ານລູຈ້ຽນ ເອກອັກຄະລັດຖະທູດຈີນປະຈຳໄທແລະທ່ານ ຊຳຊັດ ອັກຕາ ຮອງເລຂາທິການໃຫຍ່ອົງການສະຫະປະຊາຊາດທັງເປັນເລຂາທິການບໍລິຫານງານຂອງ ESCAP ໄດ້ຮ່ວມກັນເປັນປະທານກອງປະຊຸມ, ແລະຜູ້ຕາງໜ້າ 150 ກວ່າທ່ານຈາກ 30 ກວ່າສະມາຊິກ ESCAP ເຂົ້າຮ່ວມ.
ທ່ານອັກຕາ ກ່າວວ່າ, "ໜຶ່ງແລວທາງໜຶ່ງເສັ້ນທາງ" ແລະຂະບວນການເຊື່ອສໂຍງພາກພື້ນຂອງ ESCAP ຕ່າງຊ່ວຍຊູກັນ, ແລະມີຊ່ອງທາງຮ່ວມມືຢ່າງກວ້າງຂວາງ. ESCAP ຍິນດີສະໜັບສະໜູນແລະຊຸກຍູ້ການຈັດຕັ້ງປະຕິບັດ "ໜຶ່ງແລວທາງໜຶ່ງເສັ້ນທາງ" ຢູ່ພາກພື້ນຕົນໂດຍຜ່ານຮູບການຕ່າງໆເຊັ່ນ: ການປະສານສົມທົບດ້ານນະໂຍບາຍ, ການກໍ່ສ້າງຄວາມສາມາດ, ໂຄງການຮ່ວມມືແລະອື່ນໆ.