ກອງ​ທັບ​ອັ​ຟ​ການິ​ສະ​ຖານປາບ​ປາມ​ກຸ່ມ​ຫົວ​ຮຸນ​ແຮງ​ຢູ່ຫຼາຍ​ທ້ອງ​ຖິ່ນ
2017-11-27 10:54:16  cri 
ວັນ​ທີ 25 – 26 ພະ​ຈິກ​ນີ້, ກອງ​ທັບ​ອັຟ​ກາ​ນິ​ສະ​ຖານ​ໄດ້​​ເລັ່ງປາບ​ປາມ​ກຸ່ມ​ຫົວ​ຮຸນ​ແຮງ​ຢູ່ຫຼາຍ​ທ້ອງ​ຖິ່ນ​ໂດຍ​ສາ​ມາດ​ສັງ​ຫານ​ຜູ້​ປະ​ກອບ​ອາ​ວຸດ​ກຸ່ມ​ຫົວ​ຮຸນ​ແຮງ 41 ຄົນ.

ກະ​ຊວງ​ປ້ອງ​ກັນ​ປະ​ເທດ​ອັ​ຟ​ກາ​​ນິ​ສະ​ຖານ​ໄດ້​ອອກ​ຖະ​ແຫຼງ​ການ​ໃນ​ວັນ​ທີ 26 ພະ​ຈິກ​ນີ້​ວ່າ: ​ຕະຫຼອດ 24 ຊົ່ວ​ໂມງ​ຜ່ານ​ມາ, ກອງ​ທັບ​ຮັກ​ສາ​ຄວາມ​ໝັ້ນ​ຄົງ​ແຫ່ງ​ຊາດ​ອັ​ຟ​ກາ​​ນິ​ສະ​ຖານ​ໄດ້​ໂຈມ​ຕີ​ກຸ່ມ​ຫົວ​ຮຸນ​ແຮງ​ຢູ່ 9 ເຂດ​ແຂວງ​ພາຍ​ໃນ​ປະ​ເທດ​ໂດຍ​ສາ​ມາດ​ຍິງ​​ຜູ້​ປະ​ກອບ​ອາ​ວຸດເສຍ​ຊີ​ວິດ 20 ຄົນ, 33 ຄົນ​ບາດ​ເຈັບ ທັງ​ທຳ​ລາຍ​ບ່ອນ​ລີ້​ຊ່ອນ​ຂອງ​ກຸ່ມ​​ດັ່ງ​ກ່າວ 4 ແຫ່ງ.

ກອງ​ທະ​ຫານ​ຕີ​ພິ​ເສດ​ທີ່​ຂຶ້​ນ​ກັບ​ໜ່ວຍ​ປະ​ສານ​ງານ​ການ​ປາບ​ປາມ​ກຸ່ມ​ຫົວ​ຮຸນ​ແຮງ​ຂອງ​ກະ​ຊວງ​ປ້ອງ​ກັນ​ປະ​ເທດ​ອັ​ຟ​ກາ​​ນິ​ສະ​ຖານ​ອອກ​ຖະ​ແຫຼງ​ການ​ໃນ​ວັນ​ທີ 26 ພະ​ຈິກ​ນີ້​ວ່າ: ກອງ​ຂອງ​ຕົນໄດ້​ຖິ້ມ​ລະ​ເບີດ​ສັງ​ຫານ​ຊີ​ວິດຜູ້​ປະ​ກອບ​ອາ​ວຸດກຸ່ມ​ຫົວ​ຮຸນ​ແຮງ​ທີ່​ຊື່ວ່າ​ ເຄືອ​ຂ່າຍ​ຮາ​ຄາ​ນີ 7ຄົນ​ຢູ່​ແຂວງ​ປັກ​ເຕຍ​​ແລະໃນ​ວັນ​ດັ່ງ​ກ່າວ,ໂຄ​ສົກ​ອົງ​ການ​ປົກ​ຄອງ​ແຂວງ​ນາ​ນາ​ກາ​ຮາກໍ​ຢືນ​ຢັນ​ວ່າ ກອງ​ທັບ​ຮັກ​ສາ​ຄວາມ​ໝັ້ນ​ຄົງ​ໄດ້​ຖິ້ມ​ລະ​ເບີດ​ໃສ່​ບ່ອນ​ລີ້​ຊ່ອນ​ຂອງກຸ່ມປະ​ກອບ​ອາ​ວຸດ​ IS ໃນ​ຄືນ​ວັນ​ທີ 25 ພະ​ຈິກ​ນີ້​ໂດຍ​ສາ​ມາດ​ສັງ​ຫານ​ຜູ້​ປະ​ກອບ​ອາ​ວຸດໄດ້ 14 ຄົນ,ໃນ​ນີ້​ມີ​​ຜູ້ບັນ​ຊາ​ການ​ ຂອງ​ກຸ່ມ​ISປະ​ຈຳ​ແຂວງ​ດັ່ງ​ກ່າວ​ສອງ​ຄົນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ