ຕອນບ່າຍວັນທີ 25 ພະຈິກນີ້ຢູ່ພະລາຊະວັງນູຣົນອີມານ ລາຊະອານາຈັກບຣູໄນ, ທ່ານສາວຈ້ຽນມິງ ປະທານອົງການໄອຍະການປະຊາຊົນສູງສຸດຈີນໄດ້ພົບປະກັບທ່ານຮາຈິ ຮາຊານານ ໂບນເກຍ ປະມຸກລັດບຣູໄນ.
ທ່ານສາວຈ້ຽນມິງກໍສະແດງຄວາມຂອບໃຈ ທ່ານຮາຊານານທີ່ໃຫ້ຄວາມສຳຄັນສູງຕໍ່ການໄປມາຫາສູ່ກັນລະຫວ່າງອົງການໄອຍະການຂອງສອງປະເທດ ແລະສະໜັບສະໜູນການຈັດກອງປະຊຸມປະທານອົງການໄອຍະການຈີນ-ອາຊຽນຄັ້ງທີ 11. ຂະນະດຽວກັນ,ທ່ານສາວຈ້ຽນມິງກໍຢືນຢັນວ່າ ອົງການໄອຍະການສູງສຸດຈີນຈະຮ່ວມກັບອົງການໄອຍະການສູງສຸດບຣູໄນຕັ້ງໜ້າຜັນຂະຫຍາຍຄວາມເປັນເອກະພາບທີ່ສຳຄັນຂອງປະມຸກລັດສອງປະເທດ, ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດແລະຕິດແທດຕົວຈິງ ເພື່ອຕັ້ງໜ້າປະກອບສ່ວນ ເຂົ້າໃນການເສີມຂະຫຍາຍສາຍພົວພັນຮ່ວມມືຍຸດທະສາດລະຫວ່າງສອງປະເທດ.
ທ່ານຮາຊານານໄດ້ກ່າວຊົມເຊີຍທ່ານສາວຈ້ຽນມິງທີ່ນຳພາຄະນະເດີນທາງຢ້ຽມຢາມບຣູໄນທັງຢືນຢັນວ່າ ບຮູໄນໃຫ້ຄວາມສຳຄັນສູງຕໍ່ການຂະຫຍາຍສາຍພົວພັນກັບຈີນຢ່າງສະເໝີຕົ້ນສະເໝີປາຍ ແລະຍິນດີຮ່ວມກັບຈີນຮັດແໜ້ນຄວາມໄວ້ເນື້ອເຊື່ອໃຈທາງການເມືອງ, ເປີດກວ້າງການແລກປ່ຽນແລະຮ່ວມມືໃນຫຼາຍຂົງເຂດເພື່ອສ້າງຄວາມສົມບູນພູນສຸກໃຫ້ແກ່ປະຊາຊົນສອງຊາດຫຼາຍກວ່າເກົ່າ.