ດ່ານ​ເຊ້ຍ​ເມິນ​ນຳ​ເຂົ້າ​ສິນ​ຄ້າຈາກອາ​ຊຽນ​ເພີ່ມ​ຂຶ້ນ​ຢ່າງວ່ອງ​ໄວ
2017-11-28 14:47:30  cri 
ພະ​ແນກກວດ​ກາ​ແລະ​ກັກ​​ກັນພະ​ຍາດ​ເຂົ້າ​ອອກ​ເມືອງ​ເຊ້ຍ​ເມິນ​ຈີນ​ແຈ້ງ​ໃຫ້​ຊາບ​ໃນ​ວັນ​ທີ 27 ພະ​ຈິກ​ນີ້​ວ່າ: ແຕ່​ເດືອນ​ມັງ​ກອນ​ຫາ​ເດືອນ​ຕຸ​ລາ​ປີ​ນີ້, ພະ​ແນກ​ຕົນ​ໄດ້​ກວດ​ກາ​ສິນ​ຄ້າ​ນຳ​ເຂົ້າ​ຈາກ 10 ປະ​ເທດ​ອາ​ຊຽນ​​ໂດຍ​ມີມູນ​ຄ່າ 2 ຕື້ 706 ລ້ານ​ໂດ​ລາ​ສະ​ຫະ​ລັດ ເພີ່ມ​ຂຶ້ນ 27,36% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ. ໃນ​ຖາ​ນະ​ເປັນ​ດ່ານ​ສຳ​ຄັນ​ສຳ​ລັບ​ການ​ຄ້າ​ລະ​ຫວ່າງ​ຈີນ-ອາ​ຊຽນ, ດ່ານ​ເຊ້ຍ​ເມິນ​ໄດ້​ນຳ​ເຂົ້າ​ສິນ​ຄ້າ​​ຈາກ​ອາ​ຊຽນ​ເພີ່ມ​ຂຶ້ນ​ຢ່າງ​ແຂງ​ແຮງ.

ຂະ​ແໜງ​ການກວດ​ກາ​ແລະ​ກັກ​ກັນ​ພະ​ຍາດ​ເປີດ​ເຜີຍ​ວ່າ: ສິນ​ຄ້າ​ຈາກ​ອາ​ຊຽນ​ທີ່​ຜ່ານ​ດ່ານ​ເຊ້ຍ​ເມິນ​ຕົ້ນ​ຕໍ​ມາ​ຈາກ​ໄທ, ອິນ​ໂດ​ເນ​ເຊຍ,ຫວຽດ​ນາມ,ມາ​ເລ​ເຊຍ​ແລະ​ສິງ​ກະ​ໂປ, ໃນ​ນີ້, ໄທຫຼາຍກວ່າ​ໝູ່ເຊິ່ງ​ມີ​ມູນ​ຄ່າ​ເຖິງ 884 ລ້ານ​ໂດ​ລາ​ສະ​ຫະ​ລັດ ເພີ່ມ​ຂຶ້ນ 55% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ.

ຂະ​ນະ​ທີ່​ສິນ​ຄ້າ​ຈາກ​ອິນ​ໂດ​ເນ​ເຊຍ​ທີ່​ຜ່ານ​ດ່ານ​ເຊຍ​ເມິນ​ນັ້ນ​ປາ​ກົດ​ມີ​ທ່າ​ອ່ຽງ​ຫຼຸດ​ລົງ​ແຕ່​ລາ​ຄາ​ຖີບ​ສູງ​ຂຶ້ນ. ​ສ່ວນແຕ່​ເດືອນ​ມັງ​ກອນ​ຫາ​ເດືອນ​ຕຸ​ລາ​ປີ​ນີ້,ມູນ​ຄ່າ​ສິນ​ຄ້າ​​ຈາກຫວຽດ​ນາມ​ທີ່​ຜ່ານ​ດ່ານ​ເຊ້ຍ​ເມິນ​ໄດ້​ຖີບ​ສູງ​ຂຶ້ນ​ໄວ​ທີ່​ສຸດ ​ຄືເພີ່ມ​ຂຶ້ນຫຼາຍກວ່າ 75% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ