ຈີນ-ຫວຽດນາມຮ່ວມຕ້ານ​ຄ້າຂາຍ​ເຖື່ອນ​ຂ້າມ​ຊາດ​
2017-11-28 14:43:14  cri 
ວັນ​ທີ 27 ພະຈິກ​ນີ້, ​ໄດ້​ມີພິທີ​ເປີດ​​ໂຄງການຕ້ານ​ຄ້າຂາຍ​ເຖື່ອນ​ຂ້າມ​ຊາດ​ຂອງ "ສອງ​ປະ​ເທດສີ່​ດ່ານ​ພາສີ​" ຈີ​ນ-ຫວຽດນາມ​ຢູ່​ເມືອງ​ຊິ່ນ​ໂຈ່​ວ​​ເຂດ​ປົກຄອງ​ຕົນ​ເອງ​​ເຜົ່າ​ຈວ້າງ​ກວາ​ງຊີ​ຈີນ.

ດ່ານ​ພາສີ​ໝານ​ໜິງຈີນ ​ແລະ​ດ່ານ​ພາສີ​​ແຂວງ​ກວາງ​ນິງ, ລາງ​ເຊີນ ​ແລະ​ກາວ​ບັງ​ຫວຽດນາມ​ໄດ້​ຮ່ວມ​ກັນ​ຈັດ​ຕັ້ງ​ປະຕິບັດ​​ໂຄງການ​ຕ້ານ​ຄ້າຂາຍ​ເຖື່ອນ​ຂ້າມ​ຊາດ​​ແຕ່​ເດືອນພະຈິກ​ປີ 2017 ຫາ​ເດືອນ​ເມສາ​ປີ 2018 ​ໂດຍ​ມີ​ເພີ່ມ​ທະວີ​ການ​ຕ້ານ​ຢາ​ເສບ​ຕິດ, ​​ສານ​ເຄມີທີ່​ໃຊ້​ໃນ​ການ​ຜະລິດ​ຢາ​ເສບ​ຕິດ, ​ອາວຸດ ​ແລະ​ລູກປືນ, ສິ່ງ​ເສດ​ເຫຼືອທາດ​ກ້ອນ, ​ເງິນ​ປອມ, ການ​ຄ້າ​ຂາຍ​ສັດ ​​ແລະ​ພື​ດທີ່​​ໃກ້ຈະ​ສູນ​ພັນ ​ກໍ​ຄື​ຜະລິດ​ຕະພັນ​ຂອງ​ສັດ-ພືດ ​ແລະ​ອາຫາ​ນທີ່​ບໍ່​ເຄີຍກວດກາ.

ທ່ານ​ວາງ​ເຮີ ຮອງ​ຫົວໜ້າຫ້ອງ​ການ​ສືບ​ສວນ ​ແລະ​ສະກັດ​ກັ້ນ​ການ​ຄ້າຂາຍ​ເຖື່ອນ​ທີ່​ຂຶ້ນ​ກັບ​ດ່ານ​ພາສີ​ຈີນ​ກ່າວ​ວ່າ: ກອງ​ປະຊຸມ​ປຶກສາ​ຫາລື​ການ​ຮ່ວມ​ມື "​ສອງ​ປະ​ເທດສີ່​ດ່ານ​ພາສີ" ຈີ​ນ-ຫວຽດນາມ​ປີ 2017 ນີ້​ຈະ​ແລກປ່ຽນ​ຄຳ​ຄິດ​ເຫັນ​ກ່ຽວ​ກັບບັນຫາ​ການ​​ຜ່ານ​ດ່ານ​ພາສີ​ແບບ​ປະຕູ​ດຽວ​, ລະບົບ​ຮັບຮອງAEO, ຊຸກຍູ້​ການ​ຮ່ວມ​ມື​ຕ້ານການ​ຄ້າຂາຍ​ເຖື່ອນ, ​ເພີ່ມ​ທະວີ​ກາ​ນຮ່ວມ​ມື​​ຂໍ້​ມູນ​ຂ່າວສານ​ຂ້າມ​ຊາດ ​ແລະ​ອື່ນໆ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ