ກອງ​ປະ​ຊຸມ​ຜູ້​ປະ​ສານ​ງານ​ປະ​ເທດບ​ຣິ​ກ​ສ໌​ຄັ້ງ​ທີ 5 ຈັດ​ຂຶ້ນ​ຢ່າງ​ສຳ​ເລັດ​ຜົນ
2017-11-28 10:07:20  cri 
ກອງ​ປະ​ຊຸມ​ຜູ້​ປະ​ສານ​ງານ​ປະ​ເທດບ​ຣິ​ກ​ສ໌​ຄັ້ງ​ທີ 5 ໄດ້ຈັດ​ຂຶ້ນຢູ່​ເມືອງ​ສາງ​ຊ່າ​ແຂວງ​ຫູ​ໜານ​ປະ​ເທດ​ຈີນ​ໃນ​ວັນ​ທີ 27 ພະ​ຈິກ​ນີ້ຢ່າງ​ສຳ​ເລັດ​ຜົນ ໂດຍ​ມີ​ທ່ານຫຼີ​ປາວ​ຕຸ່ງ ຜູ້​ປະ​ສານ​ງານ​ວຽກ​ງານບ​ຣິ​ກ​ສ໌​ຂອງ​ຈີນ ຮອງ​ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຈີນ​ເປັນ​ປະ​ທານກອງ​ປະ​ຊຸມ ແລະ​ຜູ້​ປະ​ສານ​ງານ​ຂອງ​ບັນ​ດາ​ປະ​ເທດບ​ຣິກ​ສ໌ ແລະ ຜູ້​ແທນ​ທະ​ນາ​ຄານ​ພັດ​ທະ​ນາ​ໃໝ່​ເຂົ້າ​ຮ່ວມ.

ກອງ​ປະ​ຊຸມ​ໄດ້​ທົບ​ທວນ​ຄືນ​ຂະ​ບວນ​ການ​ຮ່ວມ​ມື​ຂອງ​ປະ​ເທດບ​ຣິກ​ສ໌​ໃນ​ປີ 2017, ວິ​ເຄາະ​ຜົນ​ສຳ​ເລັດ​ດ້ານ​ການ​ຮ່ວມ​ມື​ໃນ​ຂົງ​ເຂດ​ເສດ​ຖະ​ກິດ​ການ​ຄ້າ, ການ​ເງິນ, ການ​ທະ​ນາ​ຄານ, ການ​ເມືອງ, ຄວາມ​ໝັ້ນ​ຄົງ ແລະ​ການ​ແລກ​ປ່ຽນ​ວັດ​ທະ​ນະ​ທຳ, ລົງ​ເລິກ​ປຶກ​ສາ​ຫາ​ລື​​ປິ່ນ​ອ້ອມ​ການ​ຜັນ​ຂະ​ຫຍາຍ​ຜົນ​ສຳ​ເລັດ​ການ​ພົບ​ປະ​ເຊ້ຍ​ເໝິນ, ເຫັນ​ດີ​ເປັນ​ເອ​ກະ​ພາບ​ກັນ​ວາງ​ແຜນ​ດຳ​ເນີນ​ງານ​ລະ​ອຽດ ແລະ ຮ່ວມ​ກັນ​ສ້າງ "ທົດ​ສະ​ວັດ​ສີ​ຄຳ" ທີ​ສອງ​ແຫ່ງ​ການ​ຮ່ວມ​ມືບ​ຣິກ​ສ໌. ບັນ​ດາ​ຝ່າຍ​ໄດ້​ແລກ​ປ່ຽນ​ຄວາມ​ເຫັນ​ກ່ຽວ​ກັບ​ການ​ພັດ​ທະ​ນາ​ກົນ​ໄກ​ຮ່ວມ​ມືບ​ຣິກ​ສ໌ ແລະ ກ້າວ​ເຖິງ​ຂັ້ນ​​ເປັນ​ເອ​ກະ​ພາບ​ກັນຫຼາຍ​ບັນ​ຫາ.

    ກອງ​ປະ​ຊຸມ​ຍັງ​ໄດ້​ຈັດ​ພິ​ທີ​ມອບ-ຮັບ​ປະ​ເທດ​ປະ​ທານບ​ຣິກ​ສ໌​ປີ 2018 ລະ​ຫວ່າງ​ຈີນ​ກັບ​ອາ​ຟ​ຣິ​ກາ​ໃຕ້ຕື່ມ​ອີກ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ