ນາຍົກຈີນເຂົ້າຮ່ວມການພົບປະລະຫວ່າງຜູ້ນຳຈີນ-ປະເທດເອີລົບກາງແລະຕາເວັນອອກ
ຕອນເຊົ້າວັນທີ 27 ພະຈິກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຮ່ວມການພົບປະລະຫວ່າງຜູ້ນຳຈີນ-ປະເທດເອີລົບກາງແລະຕາເວັນອອກຄັ້ງທີ 6 ທີ່ຈັດຂຶ້ນຢູ່ນະຄອນຫຼວງບູຕາເປັສ໌ ປະເທດຮົງກາລີ ໂດຍຜູ້ນຳ 16 ປະເທດໃນພາກພື້ນເອີລົບກາງແລະຕາເວັນອອກເຂົ້າຮ່ວມ.
ທ່ານຫຼີເຄີ້ສຽງຊີ້ອອກວ່າ, "ການຮ່ວມມື16 + 1" ບໍ່ແມ່ນເຄື່ອງມືການເມືອງພູມີພາກ, ຫາກແມ່ນການຮ່ວມມືຕິດແທດຕົວຈິງຂ້າມທະວີບ ເຊິ່ງມີຜົນດີຊຸກຍູ້ໃຫ້ສາຍພົວພັນຈີນ-ເອີລົບຂະຫຍາຍຕົວຢ່າງດຸ່ນດ່ຽງ. ຂະນະດຽວກັນ, ໄດ້ວາງຂໍ້ສະເໜີໂດຍປິ່ນອ້ອມຫົວຂໍ້ການພົບປະ "ລົງເລິກການຮ່ວມມືທາງເສດຖະກິດການຄ້າແລະການທະນາຄານ ເພື່ອຊຸກຍູ້ການພັດທະນາແບບຕ່າງຝ່າຍຕ່າງມີຜົນປະໂຫຍດ" ແລະສະເໜີໃຫ້ກຳນົດເອົາປີ 2018 ເປັນປີຮ່ວມມືລະຫວ່າງທ້ອງຖິ່ນ.
ຜູ້ນຳບັນດາປະເທດໃນພາກພື້ນເອີລົບກາງແລະຕາເວັນອອກໄດ້ສະແດງຄວາມຊົມເຊີຍສູງຕໍ່ຂໍ້ສະເໜີຂອງທ່ານຫຼີເຄີ້ສຽງ ແລະກ່າວວ່າ ຈະສືບຕໍ່ເພີ່ມທະວີການຮ່ວມມືຕົວຈິງໃນຂົງເຂດຕ່າງໆ ເພື່ອບັນລຸກຕ່າງຝ່າຍຕ່າງມີຜົນປະໂຫຍດ.
ຫຼັງການພົບປະ, ຜູ້ນຳຈີນແລະ 16 ປະເທດເອີລົບກາງແລະຕາເວັນອອກໄດ້ອອກຖະແຫຼງຮ່ວມ "ໂຄງຮ່າງບູຕາເປັສ໌ວ່າດ້ວຍການຮ່ວມມືຈີນ-ເອີລົບກາງແລະຕາເວັນອອກ" ແລະເປັນສັກຂີພິຍານໃຫ້ແກ່ການລົງນາມໃນເອກະສານຮ່ວມມືຫຼາຍສະບັບໃນກ່ຽວກັບ "ໜຶ່ງແລວທາງໜຶ່ງເສັ້ນທາງ", ການເຊື່ອມຈອດກັນ, ການຮ່ວມມືດ້ານກຳລັງການຜະລິດ, ການກໍ່ສ້າງພື້ນຖານໂຄງລ່າງ ແລະອື່ນໆ.